तेल्हारा (प्रतिनिधी)- तेल्हारा येथून जवळच असलेल्या ग्राम घोडेगाव येथील आनंद बुद्ध विहार येथे प्रकांड पंडित बोधिसत्व भारतरत्न डॉ. बाबासाहेव आंबेडकर यांच्या महपरिनिर्वाण दिनी आदरांजली वाहण्यात आली. यावेळी उपस्थित उपासक तथा संघानायक रवींद्र दामोदर तथा नालंदा क्रीडा मंडळाचे अध्यक्ष देविदास दामोदर यांनी धम्मध्वज अर्ध्यावरती चढवून बाबासाहेब आंबेडकर यांना मानवंदना वंदना दिली तदनंतर बाबासाहेब यांच्या पुतळ्याला हारार्पण, मेणबत्ती, अगरबत्ती लावून त्रिशरण पंचशील ग्रहण केले विहारातील त्रिमूर्तीना पंचांग प्रणाम केला. उपस्थित समुदायला संबोधित करताना रवींद्र दामोदर यांनी बाबासाहेबांच्या जीवनावर प्रकाश टाकतानी सांगितले बाबासाहेब म्हणे सूर्याला म्हणाले आपण एक करार करू “तू आकाशातील सूर्य तर मी जमिनीवरील सूर्य, तू प्रकाशमान कर नभातील ताऱ्यांना तर मी प्रकाशमान करील पृथ्वीवरील साऱ्यांना “.
आणि खरोखर आज समाजातील तळगाळातील, पिचलेल्या, रंजल्या गांजल्यानंच्या जीवनाला खरा अर्थ प्राप्त झाला तो या युगपुरुषामुळेच म्हणून आजच्या दिनी महामानवास कोटी कोटी प्रणाम.यावेळी उपस्थितांमध्ये जेष्ठ उपासक माणिकराव दामोदर, सुभाष दामोदर, भिकाजीं दामोदर,शेषराव दामोदर, प्रभाकर दांडगे,सागर दामोदर विनोद दामोदर वायरमन, दीपक दामोदर, संदीप दामोदर, मनोज दामोदर तथा सर्व धम्मउपासक उपस्थित होते.
