तेल्हारा: 108 वर डॉक्टर उपलब्ध नसल्याने विषप्राशन केलेल्या रुग्णाला पुढील उपचारासाठी आकोला नेण्यास रुग्णालय सुत्रांनी नकार दिल्याचा संतापजनक प्रकार आज दिनांक 10 नोव्हेंबर रोजी तेल्हारा ग्रामीण रुग्णालयात घडला आहे.
रुग्णात उभी असलेली 108 गाडी मिळाली नसल्याने विषप्राशन केलेल्या रुग्णास व त्यांच्या नातेवाईकांना चांगलाच त्रास सहन करावा लागला असून तेल्हारा ग्रामीण रुग्णालयाच्या गलथान मनमानी कारभाराबाबत रुग्णाच्या नातेवाईकांनी तिव्र नाराजी व्यक्त केली आहे. शेवटी उपस्थित डॉक्टराना विनवणी करुन देखील ग्रामीण रुग्णालयात उभी असलेली 108 गाडी न मिळाल्याने व विषप्राशन केलेल्या रुग्णाची गंभीर होत चाललेली परिस्थिती पाहता रुग्णाच्या नातेवाईकांनी खाजगी वाहनांची व्यवस्था करून रुग्णाला आकोला येथे पाठविले एकीकडे 108 च्या तपर सेवेचा डागोरा पिटल्या जात आहे. तर दुसरीकडे रुग्णालयात उभी असलेली 108 गाडी रूग्णाला आकोला पाठविण्यासाठी मिळत नसल्याने आरोग्य यंत्रणेच्या कारभाराबाबत रुणाच्या नातेवाईकांनी संताप व्यक्त केला आहे.
तेल्हारा तालुक्यात राणेगाव येथील विनायकराव पुंडलीक कुकडे वय 70 या इसमाने विष प्राशन केल्याने त्यांना दिनांक 10 नाव्हेंबर रोजी सायंकाळी तेल्हारा ग्रामीण रुग्णालयात भरती केले. ग्रामीण रुग्णालय उपस्थित डॉक्टरांनी त्याच्यावर उपचार करून त्यांना पुढील उपचारासाठी आकोला जाण्यासाठी रेफर केले परंतु खाजगी वाहन मिळाले नाही. म्हणून त्यांनी 108 ला कॉल केला परंतु गाडी उपलब्ध झाली नाही. बऱ्याच प्रतीक्षेनंतर तेल्हारा ग्रामीण रुग्णालय हिवरखेड येथील विषप्राशन केलेल्या रूग्णाला घेवून MH14 CLASS 1073 नंबरची 108 गाडी तेल्हारा ग्रामीण रुग्णालयात आली. गाडी दिसताच रुग्णात उपस्थित असलेल्या रुग्णाच्या नातेवाईकांनी 108 ची मागणी केली असता.
या 108 ला डॉक्टर नसल्याने ते तुमचे रुग्ण घेवून जाणार नाही असे सांगितले यावेळी नातेवाईकांनी उपस्थित डॉक्टरला विनवणी केली आमच्या रिक्सवर तरी 108 उपलब्ध करून दया दुसऱ्या डॉक्टरची तरी व्यवस्था करा पण कोणत्याही प्रकारची दखल डॉक्टरांनी घेतली नाही रूग्णाची खालावत चाललेली तब्बल पाहता रूग्णाच्या नातेवाईकांनी शेवटी खाजगी वाहनाने रुणास आकोला रवाना केले. या आरोग्य विभाग आपल्या कामात किती निष्काळजीपणा करते. हे यावरून दिसून आले आहे. याबाबत झालेल्या संतापजनक प्रकारची तक्रार वरिष्ठ अधिकाऱ्यांकडे करण्यात येणार असल्याचे रुग्णाच्या नातेवाईकांनी यावेळी सांगितले.
या 108 वरील डॉक्टर सुट्टीवर असुन त्याच्या ऐवजी दुसऱ्या डॉक्टरची नेमणूक करण्यात आली. नसल्याने त्यामुळे विषप्राशन केलेल्या रूग्णाची मोठ्या प्रमाणात हेडसाळ झाली आरोग्य विभागाने निष्काळजीपणाचा किती कळस काढला. हे यावरुन दिसुन आले आहे.