‘मिस्टर इंडिया’ विजेता बॉडीबिल्डर मनोज पाटील याने आत्महत्येचा प्रयत्न केला आहे. मनोज पाटील याच्यावर सध्या मुंबईतील कूपर रुग्णालयात उपचार सुरू आहेत. आत्महत्येचा प्रयत्न करण्यापूर्वी मनोज पाटील याने एक सुसाईड नोटही लिहिली असून यात त्याने बॉलिवूड अभिनेता साहिल खान याच्यावर गंभीर आरोप केले आहेत.
आत्महत्येचा प्रयत्न करण्यापूर्वी मनोज पाटील याने साहिल खान याच्याविरुद्ध ओशिवारा पोलीस स्थानकामध्ये एक लिखित तक्रार केली होती. साहिल खान आपल्याला त्रास देत असल्याचा आरोप मनोज पाटील याने केला होता. मात्र त्याच्या या तक्रारीवर पोलिसांनी कोणतीही कारवाई न केल्याने बुधवारी रात्री मनोज पाटील याने झोपेच्या गोळ्या खावून आत्महत्या करण्याचा प्रयत्न केला.
साहिल खानविरोधात फसवणुकीचे गुन्हे हायकोर्टाकडून रद्द, 1 लाख रुपये जमा करण्याचे आदेश
कोण आहे मनोज पाटील?
मनोज पाटील याचा जन्म 1992 ला झाला. वयाच्या 24 व्या वर्षी त्याने ‘मिस्टर इंडियाज मेन्स फिजिक ओव्हरऑल चॅम्पियनशिप’ हा पुरस्कार जिंकला होता. बॉडीबिल्डर मनोजचे सोशल मीडियावरही लाखो चाहते असून इन्स्टाग्रामवर त्याचे 4 लाख फॉलोअर्स आहेत. 2019 त्याने ‘इंटरनॅशनल फेडरेशन ऑफ बॉडीबिल्डिंग’ हा किताबही आपल्या नावे केला होता. मॉडेल, ट्रेनर आणि अॅथलिटच्या दुनियेमध्ये त्याचे खूप नाव झाले आणि तो प्रसिद्धीच्या शिखरावर पोहोचला.
