राजस्थान राज्यातील चित्तोसगड जिल्ह्यात सनसनाटी घटना समोर आली आहे. मंदिरात पुजाऱ्यासोबत महिला सापडली. या पुजाऱ्यासोबत महिलेच्या कथित अनैतिक संबंधाचा आरोप करत सरनेश्वर महादेव मंदिरातील पुजाऱ्यावर गावकऱ्यांनी कडाडून हल्ला चढवला.
मंदिरात पुजाऱ्यासोबत महिला सापडली. ही घटना ३० जुलै रोजी झाली असून या घटनेने खळबळ उडाली आहे. चित्तोडगड जिल्ह्यातील गंगरार पोलीस स्टेशन परिसरात असलेल्या गंगारार येथील पुजारीसोबत मंदिरात महिला उपस्थित असल्याचा आरोप केला. तसेच अनैतिक संबंधांचा आरोप करत जबर मारहाण केली. या घटनेचा व्हिडिओ व्हायरल झाला आहे.
मारहाण होत असतानाचा व्हिडिओ सोशल मीडियावर व्हायरल झाला आहे. महिलेला सुद्धा कपडे ओढून मारहाण करण्यात आली. हा मारहाणीचा व्हिडिओ सोशल मीडियाव व्हायरल झाल्यानंतर महिलेने पोलीस अधीक्षक राजेंद्र प्रसाद गोयल यांच्याकडे तक्रार केली.
पीडित महिलेने व्हिडिओ व्हायरल करणाऱ्यांवर कारवाईची मागणी केली आहे. पीडित महिलेने एसपींची भेट घेऊन झाल्या प्रकाराची माहिती दिली आहे.
पीडित महिलेने म्हटले आहे की, पुजारी कुटुंब आणि आपल्या कुटुंबाचे चांगले संबंध आहेत. मंदिरात पुजारीच्या पत्नीसह मंदिरात पूजा करण्यास सुरुवात केली होती, पण पुजाऱ्याची पत्नी तेथे उपस्थित नव्हती.
त्यांची वाट पाहत असतानाच अनैतिक संबंधांचा आरोप करत असल्याचा आरोप करत खोलीत बंद करून मारहाण केली. कपडेही ओढण्यात आले.
झाल्या प्रकाराने आपल्या प्रतिष्ठेला धक्का बसल्याचे पीडित महिलेने म्हटले आहे. तक्रार दाखल करताना महिला पीडिताने सात जणांची नावे घेत कारवाईची मागणी केली.
