लग्नाचे आमिष दाखवून एका अल्पवयीन मुलीचे लैंगिक शोषण करण्यात आले. त्यामुळे पीडित मुलगी गर्भवती झाली. ही धक्कादायक घटना चांदुर रेल्वे ठाण्याच्या हद्दीत बुधवारी उघडकीस आली. गौरव अशोक गडपायले (वय 20 रा. चांदुर रेल्वे) असे आरोपीचे नाव आहे.
वाचा : धक्कादायक! विवाहित प्रेयसीने मित्राशी शरीरसंबंध ठेवण्यास दिला नकार; डोक्यात दगड घालून केली हत्या
अल्पवयीन मुलगी व आरोपी यांच्यात गेल्या दोन वर्षांपासून प्रेम संबध होते. मुलगी अल्पवयीन असताना, आरोपीने तिला लग्नाचे आमिष दाखवून प्रेमाच्या जाळ्यात अडकविले. तिचा विश्वास संपादन करून तिच्याशी शारिरिक संबध प्रस्थापीत केले. त्यामुळे ती मुलगी गर्भवती झाली. त्यामुळे पीडित मुलीने बुधवारी या घटनेची तक्रार चांदुर रेल्वे ठाण्यात नोंदविली. त्यानुसार पोलिसांनी गौरव गडपायले विरुध्द गुन्हा नोंदविला आहे.
