अकोला,दि.2 आज दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 1820 अहवाल प्राप्त झाले. त्यातील 1444 अहवाल निगेटीव्ह तर 376 जणांचे अहवाल पॉझिटीव्ह आले. दरम्यान 446 जणांना डिस्चार्ज देण्यात आला, तर 11 जणांचा उपचारा दरम्यान मृत्यू झाला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.1) रॅपिड ॲटीजेन टेस्ट मध्ये 223 जणांचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 41322(31839+9306+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आज दिवभरात एकूण पॉझिटीव्ह- आरटीपीसीआर 376 व रॅपिड ॲन्टीजेन चाचणी 223 असे एकूण पॉझिटीव्ह 599 आहेत.
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 209792 नमुने तपासण्यात आले. त्यात प्राथमिक तपासणीचे 206909 फेरतपासणीचे 387 तर वैद्यकीय कर्मचाऱ्यांचे 2496 नमुने होते. आजपर्यंत एकूण 209614 अहवाल प्राप्त झाले आहेत. एकूण निगेटीव्ह अहवालांची संख्या 177775 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
आज दिवसभरात 376 पॉझिटिव्ह
आज दिवसभरात ३७६ अहवाल पॉझिटीव्ह आले. त्यात १५३ महिला व २२३ पुरुषांचा समावेश आहे. त्यात तालुकानिहाय संख्या याप्रमाणे-
मुर्तिजापुर-३९, अकोट-३३, बाळापूर-३७, तेल्हारा-चार, बार्शी टाकळी-१६, पातूर-२५, अकोला-२२२. (अकोला ग्रामीण-३६, अकोला मनपा क्षेत्र-१८६)
दरम्यान काल (दि. 1) रात्री प्राप्त रॅपिड ॲन्टीजेन चाचण्यांच्या अहवालात 223 जणांचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची कृपया नोंद घ्यावी.
11 जणांचा मृत्यू
आज दिवसभरात ११ जणांच्या मृत्यूची नोंद झाली. त्यात शिवसेना वसाहत येथील ८० वर्षीय पुरुष असून या रुग्णास दि. २१ रोजी दाखल करण्यात आले होते. तर अन्य जठारपेठ येथील ८५ वर्षीय पुरुष असून या रुग्णास दि. २३ रोजी दाखल करण्यात आले होते, आगर येथील ७० वर्षीय पुरुष असून या रुग्णास दि. २८ रोजी दाखल करण्यात आले होते, हिंगणा म्हैसपूर येथील ७५ वर्षीय महिला असून या रुग्णास दि. २५ रोजी दाखल करण्यात आले होते, तर भारती प्लॉट येथील ७२ वर्षीय पुरुष रुग्णास दि. २९ रोजी दाखल करण्यात आले होते, शिवार येथील ६४ वर्षीय पुरुष असून या रुग्णास दि. २९ रोजी दाखल करण्यात आले होते. गांधीग्राम येथील ५० वर्षीय महिला असून या रुग्णास दि. २१ रोजी दाखल करण्यात आले होते. रोहणा अकोला येथील ५० वर्षीय महिला असून या रुग्णास दि. १ मे रोजी दाखल करण्यात आले होते. तसेच आज तिघांचा खाजगी रुग्णालयात मृत्यू झाला. त्यात मलकापूर येथील ६५ वर्षीय महिला असून या रुग्णास दि. २४ रोजी दाखल करण्यात आले होते, तर अन्य मुर्तिजापूर येथील ५५ वर्षीय पुरुष रुग्णास दि. २७ रोजी दाखल करण्यात आले होते, मुर्तिजापूर येथील ३० वर्षीय महिला असून या रुग्णास दि. २० रोजी दाखल करण्यात आले होते, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.
446 जणांना डिस्चार्ज
दरम्यान आज दुपारनंतर शासकीय वैद्यकीय महाविद्यालयातून १२, आरकेटी आर्युवेदिक महाविद्यालय येथील एक, युनिक हॉस्पीटल येथील तीन, अवघाते हॉस्पीटल येथील एक, सुर्यचंद्र हॉस्पीटल येथील एक, हार्मोनी हॉस्पीटल येथील एक, देवसर हॉस्पीटल येथील दोन, यकीन हॉस्पीटल येथील तीन, आयकॉन हॉस्पीटल येथील १०, ओझोन हॉस्पीटल येथील दोन, हॉटेल रिजेन्सी येथील चार, बिहाडे हॉस्पीटल येथील तीन, नवजीवन हॉस्पीटल येथील पाच, इंदिरा हॉस्पीटल येथील एक, देशमुख हॉस्पीटल येथील दोन, अर्थव हॉस्पीटल येथील एक, आधार हॉस्पीटल येथील एक, के.एस.पाटील हॉस्पीटल येथील दोन, कोविड केअर सेंटर अकोट येथील १८, समाज कल्याण वसतीगृह येथील सहा, केअर हॉस्पीटल येथील दोन, तर होम आयसोलेशन मधील ३६५ असे एकूण ४४६ जणांना डिस्चार्ज देण्यात आला, अशी माहिती जिल्हा रुग्णालयातून देण्यात आली.
5524 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 41322(31839+9306+177) आहे. त्यात 713 मृत झाले आहेत. तर 35085 जणांना डिस्चार्ज देण्यात आला असून सद्यस्थितीत 5524 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
