मुंबई : २२ वर्षीय लेडी डाॅन इकारा हिला नार्कोटिक्स कंट्रोल ब्युरो नुकतीच अटक केली आहे. या कुख्यात महिलेबद्दल असं सांगितलं जात आहे की, ही तरुणी ड्रग्ज विक्रीच्या व्यवसायात खूप चालाख आहे. तिच्या काही गोष्टी ऐकाल तर, तुम्हालाही आश्चर्य वाटेल. कारण, मुंबईत जिथं अंडरवर्ल्ड डाॅन दाऊद इब्राहिमचा डोंगरी परिसर आहे, जिथं त्याचा दरारा होता, जिथं दाऊदचं राज्य होतं, जिथं दाऊदची प्राॅपर्टी आहे, जिथं आजही असं सांगितलं जातं की, दाऊदचे हस्तक अंडरवर्ल्डची सूत्रे हालवितात, आज त्याच परिसरात या २२ वर्षीय इकरा कुरेशीचा ड्रग्जचा धंदा तेजीत चालतो आहे.
नुकत्याच काही दिवसांपूर्वी भारताचा नंबर एकचा शत्रू आणि अंडरवर्ल्डचा कुख्यात डाॅन याच्या संबंधित असलेला ड्रग्ज माफिया चिंकू पठाणला पोलिसांनी अटक केली. त्यानेच खरंतर पोलिसांच्या चौकशीत या २२ वर्षीय लेडी डाॅनचं म्हणजेच इकारा अब्दुल गफ्फार कुरेशीचं नाव उघड केलं. त्यानंतर पोलिस इकाराच्या शोधासाठी बाहेर पडली. आता असंही सांगितलं जात आहे की, इकरा कुरेशीचे दाऊद इब्राहिमशी संबंध असू शकतात.
असं असलं तरी त्यासंदर्भात कोणाताही पुरावा पोलिसांकडे नाही. एनसीबीच्या टीमने डोंगरी परिसरात छापेमारी करत इकरा कुरेशीला अटक केली. इकारा ही डोंगरीमध्ये असणाऱ्या हाजी कमस चाळीत पोलिसांच्या हाती लागली. त्यावेळी तिच्याकडे ड्रग्जदेखील पोलिसांनी जप्त केले. आतापर्यंत मिळालेल्या माहितीनुसार ही लेडी डाॅन मुंबईच्या डिस्को थेकमध्ये ड्रग्ज विकत होती.
वाचा ः संतापजनक! कोरोना बाधित महिलेसोबत छेडछाड; मेडिकल कोऑर्डिनेटला अटक
बेकायदेशीर कामं करण्यासाठी इकराने ५-६ महिलांची गॅंग तयार केली आहे. ड्रग्ज पोहोचविण्याची जबाबदारी या महिलांची होती. मुंबईच्या नागपाडा परिसरात २०२० मध्ये झालेल्या मारहाणीच्या केसमध्ये इकारावर गुन्हादेखील दाखल झालेला आहे. असं सांगितलं जातं की, मुंबईमध्ये इकाराच्या विरोधात कुणीही तोंड उघडत नाही, इतका दरारा या २२ वर्षांच्या लेडी डाॅनचा आहे.
माध्यमांच्या अहवालानुसार असं सांगितलं जातं की, इकरा कुरेशी इतकी खतरनाक आहे की, जो कुणी तिच्याविरोधा आवाज काढेल, त्याच्यावर ही हल्ला करते. सध्या इकरा कुरेशीचा पती आणि प्रियकर दोघेही तुरुंगाची हवा खात आहेत.इकराला पकडणं पोलिसांना खूप अवघड होतं. कारण, ती मोबाईल नंबर फार काळ वापरत नव्हती. आणखी एक गंभीर बाब अशी की, ५ वर्षांच्या मुलीचा आई इकरा फेसबुक आणि इन्स्टाग्रामच्या माध्यमातून ड्रग्जची व्यवहार करत होती. मुंबईच्या बहुतेक परिसरांमध्ये इकराचा ड्र्ग्जचा धंदा पसरलेला आहे.
वाचा : मंदिरातून घरी परतणाऱ्या दोन अल्पवयीन मुलींवर बलात्कार.
