आग्रा (उत्तर प्रदेश) : उत्तर प्रदेशमधील आग्रामध्ये माणुसकीला काळीमा फासणारी घटना घडली आहे. उत्तर प्रदेशमधील काही महिन्यांपुर्वी हाथरस येथे सामुहिक बलात्काराची घटना घडली होती. आता पुन्हा आग्रामध्ये सामुहिक बलात्काराची घटना घडली आहे. तीन युवकांनी पती समोरच पत्नीवर बलात्कार केल्याची घटना समोर आली आहे. पीडित महिलेने एत्मादपूर पोलिस स्थानकात तक्रार दाखल केली आहे. यामध्ये नामजद नावाच्या युवकासह अन्य अज्ञात व्यक्तीनी जंगलात नेऊन गँगरेप केल्याचे आरोप केले आहेत. यावर पोलिसांनी गुन्हा नोंद करत आरोपींना पकडण्यासाठी शोधमोहीम सुरू केली आहे.
तीन युवकांवर गँगरेप, लुटमारी अशा गंभीर स्वरुपांचे गुन्हे नोंद करण्यात आले आहेत. यावर एसपी आर ए वेस्ट सत्यजीत गुप्ता म्हणाले की, पीडितेवर सामुहिक बलात्कार आणि लुटमार, जीवे मारण्याची धमकी दिल्याचे गुन्हे नोंद करण्यात आले आहेत. आरोपींना अटक करण्यासाठी विशेष पथकांची नियुक्ती करण्यात आली आहे. दरम्यान, आरोपींच्या घरी छापा टाकण्यात आला. परंतु ते घरी नसल्याने वेगवेगळ्या ठिकाणी त्यांची शोधमोहीम सुरू आहे. आरोपींना लवकरात लवकर पकडण्यात येईल, असेही गुप्ता यांनी सांगीतले. पीडितेला रुग्णालयात वैद्यकीय तपासणीसाठी पाठवण्यात आले आहे.
मंळवारी या गुन्ह्याची नोंद पीडित महिला आणि पतीने उत्तर प्रदेशातील छलेसर पोलिस चौकीत दाखल केली. पोलिस अधिक्षक गुप्ता यांच्या आदेशातून अर्चना सिंह यांनी घटनास्थळावर जात अधिक तपास केला. पीडित महिलेच्या माहीतीनुसार ती माहेर एत्माद्दौलाला पतीसोबत जात असताना तीन युवकांनी रस्ता आडवत त्यांना मारहाण करत जबरदस्तीने त्यांना जंगलात ओढत नेले. पतीसमोरच माझ्यावर एका पाठोपाठ बलात्कार करण्यात आला असल्याचे पिडीत महिलेने सांगीतले. याच्याही पुढे जात त्या युवकांनी या सगळ्या घटनेचा व्हिडीओ केला. याचबरोबर त्यांच्याजवळ असणारे १० हजार रुपये आणि दागिने घेऊन पळुन गेल्याचे त्या पिडीतेने सांगीतले.
