मुंबई : घरामध्ये नैसर्गिक विधी केल्यामुळे सावत्र बापाने २ वर्षांच्या मुलीला कानाखाली मारली. हा मार इतका जबर होता की, त्यामध्ये चिमुकलीचा मृत्यू झाला आहे, या प्रकरणी साकीनाका पोलिसांनी सावत्र वडील आरिफ शेख उर्फ जशिम अक्रम अन्सारी (वय-२८) याला अटक करण्यात आली आहे.
अवघ्या दोन वर्षांच्या शिफा नावाची चिमुरडी आपल्या आई रजिया (वय-२८) आणि सावत्र वडील आरिफ (वय-२८) यांच्यासोबत राहत होते. शिफा घरामध्ये खेळत असताना जुलाब केले, त्याचा राग आरिफला आला आणि त्याने त्या चिमुरडीच्या कानाखाली लगावली. त्यात ती बेशुद्ध झाली.
शिफाला जवळच्या रुग्णालयात तातडीने हलविले. मात्र, डाॅक्टरांनी शिफाचा मृत्यू झाल्याचे घोषीत केले. तपासात मारहाणीमुळे मृत्यू झाल्याचे आईने पोलिसांना सांगितले. त्यानुसार पोलिसांनी रजियाच्या तक्रारीवरून आरिफवर हत्येचा गुन्हा नोंदविला आणि त्याला अटक केली.
