माई महिला बचत गटामार्फत महिला दिन विविध कार्यक्रमांचे आयोजन करून साजरा

तेल्हारा(प्रतिनिधी)– माई महिला बचत गटाच्या महिलांनी जागतिक महिला दिनानिमित्त सर्व नियमांचे पालन करुन मोठ्या उत्साहात महिला दिन साजरा केला. कार्यक्रमाची सुरुवात दीपप्रज्वलन आणि जिजाऊ माँ साहेबांच्या मूर्तीचे पूजन करण्यात आले. सर्व महिलांनीआपलले मनोगत व्यक्त केले. गटाच्या अध्यक्ष सौ. मीना विलासराव बासोडे यांनी महिला दिनाचे महत्त्व समजावून सांगितले. रांगोळी आणि गीत गायनाचा कार्यक्रम घेतला यामध्ये सर्व महिलांनी सहभाग घेतला. मीनाताई बासोडे यांनी “कोमल है कमजोर नहि, शक्ती का नाम हि नारी है” हे गीत गाऊन आणि सर्व महिलांना स्वतः फेटे बांधून प्रेरीत केले. शेवटी सुषमा शिंदे यांनी आभार प्रदर्शन करून कार्यक्रमाची सांगता केली कार्यक्रमाला मीना वि. बासोडे प्रिती ना. वासणकार, सुषमा रविंद्र शिंदे, मीनाक्षी रविंद्र बाभूळकर,आशा जनार्दन वानखडे,मोनिका सुमित बाभूळकर, छाया रतन मानपत्र, रेखा संजय मानपत्र, इंदिरा अनिल जोशी,पल्लवी सुधीर वाकोडे तसेच पल्लवी भैय्यसाहेब खारोडे आणि ईतर महिला उपस्थित होत्या.