अकोला(दीपक गवई)– स्थानिक सीताबाई कला वाणिज्य व विज्ञान महाविद्यालयात दि. बि.जे.ई. सोसायटीचे अध्यक्ष माननीय अॅड. मोतीसिंहजी मोहता, मानद सचिव श्री. पवनकुमारजी माहेश्वरी यांच्या प्रेरणेने तसेच सीताबाई कला वाणिज्य व विज्ञान महाविद्यालय विकास समितीचे अध्यक्ष श्री. रूपचंदजी अग्रवाल व महाविद्यालयचे प्राचार्य डॉ. राधेश्यामजी सिकची यांच्या मार्गदर्शनाखाली व केंद्र शासनाने दिलेल्या निर्देशानुसार राष्ट्रीय सेवा योजने अंतर्गत “रस्ता सुरक्षा जनजागृती” कार्यक्रम संपन्न झाला. दिनांक 18 जानेवारी ते 17 फेब्रुवारी रस्ता सुरक्षा जनजागृती या कालावधीमध्ये संपन्न करायचा होता. महाविद्यालयाच्या परिसरामध्ये कोवीड 19 महामारीची सर्व खबरदारी घेऊन रस्ता सुरक्षा जनजागृती विविध उपक्रमाच्या माध्यमातून कार्यक्रम साजरा करण्यात आला. यामध्ये राष्ट्रीय सेवा योजनेच्या विद्यार्थ्यांची रस्ता सुरक्षा जनजागृती रॅली, विविध फलक, जनजागृती, चार चाकी गाडी चालवताना सीट बेल्ट व दुचाकी गाडी चालविताना हेल्मेट वापरणाऱ्यांचे रा.से.यो स्वयंसेवक तसेच वाहतूक नियंत्रक व कार्यक्रम अधिकारी यांच्या हस्ते पुष्प देऊन स्वागत करण्यात आले.
याप्रसंगी राष्ट्रीय सेवा योजना कार्यक्रम अधिकारी प्रा. अमोल गावंडे सौ सुनीता बन्ने,डॉ.प्रसन्नजीत गवई,वाहतूक नियंत्रक श्री तुषार केणे व श्री आशिष गायकवाड यांचे विद्यार्थ्यांना मोलाचे मार्गदर्शन लाभले. अकोला शहरातील विविध चौकांमध्ये जसे बस स्थानक चौक,सिविल लाइन्स चौक, मोठे पोस्ट ऑफिस चौक, नेहरू पार्क चौक महामार्ग क्रमांक सहा,या ठिकाणी राष्ट्रीय सेवा योजनेच्या स्वयंसेवक तसेच वाहतूक नियंत्रक यांच्या हस्ते हेल्मेट वापरणाऱ्या वाहनचालकांचे पुष्प देऊन स्वागत करण्यात आले. या कार्यक्रमाला राष्ट्रीय सेवा योजना कार्यक्रम अधिकारी प्रा.अमोल गावंडे सौ. सुनीता बन्ने, डॉ. प्रसन्नजीत गवई, डॉ.बाळासाहेब जोगदंड, डॉ.उमेश चापके,डॉ.सुनील गायगोल वाहतूक नियंत्रक श्री तुषार केणे, श्री आशिष गायकवाड तसेच रा.से.यो. स्वयंसेवक रोशन इंगळे कार्तिक सावंत, जयवंत राऊत, रोहन इंगळे, भूषण सोळंके, अनुराग पांडे, कु.आरती सांगळे,कु.अश्विनी शिरसाट कु.साक्षी दुबे, कु. दिव्या गवळी, अक्षय वानखडे, जय गिरी, ओम जाणोकार,फाजील अहमद, विकास जाधव यांनी कार्यक्रमाच्या यशस्वितेकरिता परिश्रम घेतले.
