नशिबावर तुमचा विश्वास आहे की नाही हे तुम्हालाच ठाऊक पण त्याने काहीही फरक पडत नाही. कारण काही गोष्टी अशा असतात ज्या त्या त्या वेळेला घडतातच. मग त्या गोष्टी वाईटही असू शकतात आणि चांगल्याही असू शकतात.
अशीच एक घटना समोर आली आहे. ही घटना वाचून तुम्हालाही विश्वास बसणार नाही. तर झाले असे की लग्न मंडपातून नवरा मुलगा पळून गेला. यानंतर मुलीकडच्या लोकांनी पाहुण्यालाच जावई करून घेतला.
विश्वास नाही बसला ना? पण हे असंच झालं आहे. चीकमंगळूर जिल्ह्यातील तारिकेरे तालुक्यातील एका गावात ही घटना घडली. याठिकाणी लग्नाच्या आदल्या दिवशी नवरा मुलगा आपल्या प्रेयसीसोबत पळून गेला.
रातोरात फरार होऊन त्याने सर्वांनाच धक्का दिला. जेव्हा ही गोष्ट मुलीकडच्या लोकांना कळाली तेव्हा त्यांनी थेट लग्नाला आलेल्या पाहुण्याशीच आपल्या मुलीचे लग्न लावून दिले. बंगळुरू मिररने यासंदर्भात वृत्त दिले आहे.
दोन भाऊ अशोक आणि नवीन यांना एकाच मंडपात लग्न करायचे होते. शनिवारी नवीन आणि त्याच्या पत्नीचे फोटोशूट झाले व त्यांनी सर्व मंडळींचे आशीर्वाद घेतले. पण जेव्हा रविवारी लग्नाचा दिवस उजाडला तेव्हा असे कळले की तो आपल्या प्रेयसीसोबत पळून गेला आहे.
याआधी नविनच्या प्रेयसीने त्याच्या घरच्यांसमोर येऊन विष पिऊन मारण्याची धमकी दिली होती. त्यामुळे नवीनने हा निर्णय घेतला असावा असे सगळ्यांना वाटले. दुसरीकडे त्याच्या भावाचे लग्न मंडपात झाले.
सिंधूचे कुटुंब मात्र बराच वेळ धक्क्यात होते. सिंधू मंडपातच रडायला लागली. मग सदस्यांनी निर्णय घेतला की आपण मंडपातच नवरा मुलगा शोधायचा. याचवेळी बीएमटीसीचे कंडक्टर असलेले चंद्रप्पा तेथेच पाहुणे म्हणून उपस्थित होते.
ते म्हणाले की दोन्ही कुटुंबातील लोकांची परवानगी असेल तर मी लग्न करायला तयार आहे. दोन्ही कुटुंबांनी होकार दिला आणि हा लग्नसोहळा पार पडला. यानंतर सगळ्या परिसरात याच लग्नाची चर्चा रंगली आहे. तुम्हाला ही माहिती कशी वाटली आम्हाला कळवा आणि अशा नवनवीन माहितीसाठी आम्हाला फॉलो करा.
