पातूर : पातूर वाशिम महामार्गावरील राजस्थान धाबा येथे आज सकाळच्या सुमारास मृतदेह आढळल्याने खळबळ उडाली. घटनेची सविस्तर हकीकत अशाप्रकारे की, आज दि.11/11/2020 रोजी सकाळी 11 वाजताच्या सुमारास पातूर-वाशिम महामार्गावर स्थित रामदेव रायका राजस्थान धाब्यावर एका व्यक्तीचा मृतदेह असल्याचे उघड झाले असून मृतकाचे नाव मनदीप असे असून तो जि. झुणझुण राजस्थान येथील रहिवासी असल्याचे कळते.
दरम्यान काल रात्रीच्या सुमारास मृतकाची व एका अज्ञात ट्रकचालकासोबत बाचाबाची झाली असता वादाचे रूपांतर हाणामारीत झाले.याचदरम्यान त्याच्या गुप्तांगावर मुका मार लागल्याने त्याचा मृत्यू झाला असून आरोपी ट्रकचालक आपले वाहन घेऊन पसार झाला.घटनेची माहिती मिळताच पातूर पोलीस घटनास्थळी पोहचले असून पंचनामा करून मृतदेह उत्तरीय तपासणी करिता सर्वोपचार रुग्णालय अकोला येथे पाठविले असून पुढील तपास पातूर पोलीस करत आहेत.
