अकोला – कोरोना संसर्ग चाचणीसाठी जिल्ह्यात रॅपिड ॲन्टीजन टेस्ट राबविण्यात येत आहे. यात आज दिवसभरात झालेल्या 63 चाचण्यामध्ये केवळ सहा जणांचा अहवाल पॉझिटिव्ह आला, अशी माहिती निवासी उपजिल्हाधिकारी संजय खडसे यांनी दिली.
आज दिवसभरात झालेल्या चाचण्या याप्रमाणे- अकोला ग्रामीण, बाळापूर, अकोट, बार्शीटाकळी, मुर्तिजापूर, तेल्हारा व पातूर येथे चाचण्या झाला नाही. तसेच अकोला मनपा येथे 44 चाचण्या झाल्या त्यात पाच जणांचे अहवाल पॉझिटिव्ह आला, तर वैद्यकीय कर्मचाऱ्यांपैकी 18 जणांच्या चाचण्या झाल्या त्यात एकाचा अहवाल पॉझिटीव्ह आला, शासकीय वैद्यकीय महाविद्यालयात एक चाचणी झाली त्यात कोणाचाही अहवाल पॉझिटिव्ह आला नाही, अशा प्रकारे दिवसभरात 63 जणांच्या चाचण्या झाल्या त्यात सहा जणांचा अहवाल पॉझिटीव्ह आला. आतापर्यंत जिल्ह्यात 10470 चाचण्या झाल्या असून 530 जणांचे अहवाल पॉझिटीव्ह आले आहेत, असे जिल्हा प्रशासनाने कळविले आहे.
