मुंबई : बुलडाणा जिल्ह्यातील महत्त्वपूर्ण जिगाव प्रकल्पाबाबत आज मंत्रालयात जलसंपदा मंत्री जयंत पाटील यांच्या दालनात झालेल्या बैठकीत या प्रकल्पासाठी 4 हजार कोटी निधी राज्यपाल यांच्याकडे मागण्याचा निर्णय घेण्यात आला .
ना.जयंत पाटील यांच्या प्रमुख उपस्थितीत ही बैठक पार पडली. जिगाव प्रकल्पासाठी विशेष तरतूद म्हणून मा.राज्यपालांकडे पुढील तीन वर्षांसाठी ४ हजार कोटी रुपयांचा निधी मागितला जाईल. पुढील दोन वर्षांमध्ये जास्ती जास्त निधी उपलब्ध करून प्रकल्पाचा पहिला टप्पा कार्यान्वित केला जाईल असे या बैठकीत ठरविण्यात आले.
दरम्यान जिगाव प्रकल्पाच्या पाणीसाठ्याबाबत, पुनर्वसन, गावठाण नागरी सुविधांच्या कामांबाबतही अधिकाऱ्यांना ना.पाटील यांनी निर्देश दिले . या बैठकीला ना.डॉ.राजेंद्र शिंगणे, मलकापूरचे आमदार राजेश एकडे, जलसंपदा सचिव संजय घाणेकर, सहसचिव श्री कपोले व इतर अधिकारी उपस्थित होते.
