मूर्तीजापुर (महेश सावळे)- येथील श्रीमती सरला राम काकाणी एज्युकेशन अँकेडमी मूर्तीजापुर या शाळेने आपली दरवर्षीची परंपरा कायम ठेवत यावर्षीही आपल्या शाळेचा निकाल १००% टक्के लावला आहे. या शाळेतील एकुण ४४ विद्यार्थी एच.एस.सी परीक्षेला प्रविष्ट झाले होते. यापैकी सर्वच्या सर्व विद्यार्थी चांगल्या आहे अत्यंत आकर्षक गुण मिळवून उत्तीर्ण झाले आहेत. यापैकी ९ विद्यार्थी ९०% च्यावर गुण मिळवून उत्तीर्ण झाले आहेत. प्रस्तुती मोटघरे ही प्रथम आली असुन तिला ९६% गुण मिळाले आहेत. शाळा व्यवस्थापन समितीच्या अध्यक्षा डॉ. सौ.सरीता सिकची यांनी विद्यार्थ्यांचे कौतुक केले आहे. तसेच संस्थापक तथा मार्गदर्शक डॉ. राधेश्याम सिकची, मुख्याध्यापीका सौ.संध्या द्वारकाप्रसाद दुबे व सर्व शिक्षक वृंद यांनी विद्यार्थ्यांचे कौतुक करून शुभेच्छा दिल्या आहेत.