नवी दिल्ली
इंस्टाग्रामने भारतात टिकटॉकला पर्याय म्हणून रील्स (Reels) लॉन्च केले आहे. इंस्टाग्रामच्या या सर्व्हिमध्ये यूजर्सला टिकटॉक सारखेच अनेक फिचर्स मिळणार आहेत. फेसबुक गेल्या काही दिवसांपासून भारतात या फिचरचे टेंस्टिंग करत आहे. आता हे फिचर कंपनीने भारतात लॉन्च केले आहे. टिकटॉकवर बॅन केल्या नंतर अनेक ॲप्स भारतीय बाजारामध्ये लोकप्रिय झाले आहेत. अशामध्ये इंस्टाग्रामचे हे फिचर्स टिकटॉक चाहत्यांत्या पसंतीस उतरू शकते.
स्वंतत्रपणे ॲप डाउनलोड करण्याची गरज नाही…
इंस्टाग्रामचे हे फिचर ॲपमध्येच मिळणार आहे. यासाठी यूजरला स्वतंत्रपणे ॲप डाऊनलोड करण्याची आवश्यकता नाही. हे फिचर जगातील काही देशांमध्ये पहिल्यापासूनच उपलब्ध आहे. आता हे फिचर भारतीय यूजर्ससाठी देखील उपलब्ध झाले आहे.
इंस्टाग्राम रिल्स मध्ये काय खास आहे…
इंस्टाग्रामच्या रिल्स फिचरव्दारे यूजर्स टिकटॉक पध्दतीने १५ सेकंदांचे व्हिडिओ बनवू शकणार आहेत. तसेच व्हिडिओच्या बॅकग्राउंडमध्ये देखील बदल करू शकणार आहेत. टीकटॉक सारखेच व्हिडिओचे स्पीड कंट्रोल करू शकणार आहेत. या सर्व्हिमध्ये टिकटॉकचा ‘Duet’ फिचरही यूजर्सला मिळणार आहे. पूर्ण व्हिडिओ बनवल्यानंतर यूजर आपल्या इंस्टाग्राम स्टोरीजमध्ये करू शकणार आहे. या सोबतच यूजर आपल्या मित्रांना हा व्हिडीओ डायरेक्ट पाठवू शकणार आहेत.
टिकटॉक बॅन नंतर भारतीय ॲप्स ची लोकप्रियता वाढली…
टिकटॉकवर सरकारकडून बंदी आणल्यानंतर भारतीय ॲप्सची लोकप्रियता खूप वाढली आहे. या सेगमेंट मध्ये मित्रो, चिंगारी यासारख्या भारतीय ॲप्सना मोठ्या प्रमाणात डाऊनलोड करण्यात येत आहे. भारत आणि चीनमधील सीमेवर सुरू असलेल्या तणावाच्या पार्श्वभूमीवर सरकारने टिकटॉक सहीत ५९ ॲप्सवर भारतात बंदी घातली आहे. ज्यानंतर या सेगमेंटमध्ये यूजर्सवर आपला जम बसवण्यासाठी अनेक ॲप्स समोर येत आहेत.
फेसबुकचे टिकटॉकला टक्करवाले Lasso हे ॲप आता बंद होणार आहे. फेसबुकने टिकटॉकच्या धर्तीवर हे ॲप २०१८ मध्ये लॉन्च केले होते. या ॲपच्या यूजर्सना फेसबुकने एक मॅसेज पाठवून १० जुलैपर्यंत ही सर्व्हि बंद होणार असल्याचे सांगितले. या आधी यूजर्स आपला डेटा, व्हिडिओ सेव्ह करू शकतात. फेसबुकची ही सर्व्हिस जगातील अनेक देशांमध्ये उपलब्ध होती. यामध्ये कोलंबिया, यूएस, मेक्सिको, अर्जेंटीना, चिली, पेरू, पनामा, कॉस्टा रीका, एल सलवाडोर, उरूग्वे आणि एक्वाडोर या देशांचा समावेश आहे.
