वाडेगाव (डॉ चांद शेख)- वाडेगाव येथील ग्रामपंचायत प्रशासनाने, ग्रामपंचायत वार्षिक उत्पनामधून मिळणाऱ्या अपंग निधीत मोठया प्रमाणात भ्रष्टाचार झाल्याची तक्रार, वाडेगाव येथील अपंग नागरिक किशोर अवचार यांनी गटविकास अधिकारी आणि पालकमंत्री ना. बच्चू कडू यांच्या कडे केली आहे.
सविस्तर वृत्त असे की,सन२०१२पासून ते२०१८पर्यंत शासनाच्या परिपत्रकानुसार ग्रामपंचायतच्या एकूण उत्पन्नाच्या३टक्के आणि सुधारित परिपत्रकानुसार५टक्केनिधी अपंगांना मिळणे अपेक्षित आहे.तसा अपंग निधी ग्रामपंचायतच्या वार्षिक उत्पन्नाच्या नुसार दरवर्षी अपंगांना देणे बंधनकारक आहे. परंतु वाडेगाव ग्रामपंचायत प्रशासनाने आतापर्यंत अपंगांची स्वतंत्र नोंदणी केलेली नव्हती, परंतु अपंगांनी वाडेगाव ग्रामपंचायतवर फेब्रुवारी२०२० या मागणीसाठी मोर्चा काढला होता. त्यानंतर वाडेगाव ग्रामपंचायत प्रशासनाने गावातील फक्त १२९अपंगांच्याच खात्यात फक्तहजार रुपये टाकून अपंगांच्या तोंडाला पाने पुसली. वाडेगावतील सामाजिक कार्यकर्त्यांंनी अपंगांच्या खात्यात ५ट क्क्यांची मागणी केल्यावर, १२९पैकी२५अपंगांच्या खात्यात ३हजार रुपये तर उर्वरित अपंगांच्या खात्यात १ हजार रुपये टाकून अपंगांमध्ये भेदभाव केल्याची बाब समोर आली आहे.
चौकट:-वाडेगावतील अपंग नागरिक किशोर अवचार यांनी त्यांच्या तक्राररीत सन२०१२ते२०२०पर्यंत राज्य शासनाच्या नियमानुसार अपंग निधीचे वाटप करण्यात यावे,तसेच अपंग निधी किती मिळाला आणि त्याचे किती प्रमाणात वाटप झाले,याची वार्षीक तपशीलवार माहिती जाहीर करण्याची मागणी करण्यात आली असून,नियमानुसार अपंग निधीचे वाटप झाले नाही,तर आंदोलनाचा इशारा दिला आहे.
