अमरावती : अमरावती जिल्ह्यातील सैनिकांच्या मुलांच्या व मुलींच्या वसतिगृहात सहाय्यक वसतिगृह अधीक्षक, सहाय्यक वसतीगृह अधिक्षिका व चौकीदार ही पदे तातडीने भरावयाची आहे. सदर पदे ही केवळ तात्पुरत्या स्वरूपाची आहे तसेच ती कायमस्वरूपी अशासकीय आहे. सहाय्यक वसतिगृह अधीक्षक, सहायक वसतिगृह अधीक्षिका या पदास रुपये 9 हजार 902 एवढे तर चौकीदार पदास रुपये 8 हजार 911 एवढे मासिक मानधन देय राहील.
उपरोक्त पदाकरिता माजी सैनिक व त्यांच्या पत्नी अर्ज करण्यास पात्र राहतील. माजी सैनिकांनामधुन योग्य उमेदवार उपलब्ध न झाल्यास इतर सैनिक दलाच्या उमेदवारांमधून पात्र उमेदवार निवडण्यात येईल. उपरोक्त पदासाठी सोमवार दिनांक 6 जुलै 2020 रोजी सकाळी 11 वाजता जिल्हा सैनिक कल्याण कार्यालय अमरावती येथे मुलाखत घेण्यात येईल.
इच्छुक उमेदवारांनी आपले नाव 0721-2661126 या दूरध्वनी क्रमांकावर किंवा 7350797541 , 9890266004 या मोबाईल क्रमांकावर कळवावे, असे आवाहन जिल्हा सैनिक कल्याण अधिकारी अमरावती यांनी केले आहे.
