मंठा येथील पिडीत नवविवाहितेच्या वैष्णवी गोरे हत्या प्रकरणी खुनाचा खटला फास्ट ट्रॅक कोर्टात चालवा,महात्मा फुले ब्रिगेडची मागणी
तेल्हारा (योगेश नायकवाडे ) मंठा. जि.जालना येथील पीडित नवविवाहिता वैष्णवी नारायण गोरे हत्या प्रकरणी सखोल चौकशी करून संबधित आरोपी विरोधात खुनाचा गुन्हा दाखल करून योग्य रीतीने तपास होऊन आरोपी शेख अल्ताफ बाबू यास कठोर शिक्षा व्हावी म्हणून विशेष लक्ष केंद्रित करून माळी समाजातील अत्यंत गरीब परिस्थितीत आपल्या दोन मुलांना सांभाळून जीवन जगणाऱ्या नारायण गोरे यांच्या नवविवाहित वैष्णवी च्या मंठ्यातील गुंड शेख अल्ताफ याने अमानुष पणे भर बाजारपेठेत धारदार शस्त्राने गळा चिरडून केलेली हत्या लोकशाही ला काळीमा फासणारी आहे .
या घडलेल्या घटनेचा आम्ही तीव्र शब्दात निषेध व्यक्त करतो. आपणास नम्र विनंती करतो की सदरील आरोपींना फास्ट ट्रॅक कोर्टात प्रकरण देऊन आरोपीस फाशीची शिक्षा झाली पाहिजे अशी चौकशी निपक्ष पाती व्हायला हवी करिता हे निवेदन सादर करण्यात आले आहे.
अश्या प्रकारचे निवेदन महात्मा फुले ब्रिगेड जिल्हाअध्यक्ष अजयदादा बंड यांच्या मार्गदर्शनाखाली पदाधिकाऱ्यांनी तेल्हारा तहसीलदारांना निवेदन दिले, यावेळी महात्मा फुले ब्रिगेड तेल्हारा तालुका अध्यक्ष ऋषिकेशभाऊ निमकर्डे , तालुका उपाध्यक्ष रोशनभाऊ बोंबटकार, तेल्हारा शहर अध्यक्ष धिरज लोणकर, ता. संघटक नंदकिशोर जाधव, लखनभाऊ राजनकार, आकाशभाऊ तायडे, ता. सचिव स्वप्नील झगडे, ता. सहसंघटक वैभवभाऊ राऊत, ता.कोषाध्यक्ष अनंता निमकर्डे व माळी समाजाचे अनेक कार्यकर्ते उपस्थित होते.
