बुलडाणा दि. 21 : प्रयोगशाळेत तपासणीसाठी पाठविलेल्या अहवालांपैकी 24 अहवाल आज प्राप्त झाले असून सर्व 24 अहवाल निगेटीव्ह आले आहेत. आतापर्यंत 820 रिपोर्ट निगेटिव्ह प्राप्त झाले आहेत. तसेच काल रात्री तीन पॉझीटीव्ह आलेल्या रूग्णांसह जिल्ह्यात एकूण 35 कोरोनाबाधित रूग्ण आहेत. त्यापैकी तीन मृत आहे. आतापर्यंत 24 कोरोनाबधीत रुग्णांचा तपासणी अहवाल कोरोना निगेटिव्ह आल्यामुळे त्यांना वैद्यकीय प्रोटोकॉलप्रमाणे कोविड रुग्णालयातून सुट्टी देण्यात आली आहे. अशाप्रकारे सुटी देण्यात आलेल्या रूग्णांची एकूण संख्या 24 आहे. सध्या रूग्णालयात 08 रूग्ण कोरोनाबाधीत रूग्णांवर उपचार सुरू आहेत.
हेही वाचा : बुलढाण्यात आंतरजिल्हा बस वाहतूक, केशकर्तनालये,दुकाने सुरू होणार
तसेच आज 21 मे रोजी 24 अहवाल प्राप्त झाले आहेत. तसेच आज रोजी अहवालाच्या प्रतिक्षेत असलेले नमुने 94 आहेत. आजपर्यंत एकूण निगेटिव्ह अहवाल 820 आहेत, अशी माहिती निवासी उपजिल्हाधिकारी डॉ. आर. जी पुरी यांनी दिली आहे.
