गावी जाण्यासाठी ११ मेपासून मोफत एसटी सेवा सुरू होणार

राज्यांतर्गत अडकलेल्या नागरिकांना त्यांच्या मूळगावी एसटीच्या माध्यमातून पाठविण्याचा निर्णय राज्य सरकारने घेतला आहे. स्वगृही जाणाऱ्या नागरिकांसाठी सोमवारपासून कार्यवाही केली जाणार आहे. एका बसमधून केवळ २२ नागरिकांना त्यांच्या मूळगावी सोडण्यात येईल, अशी माहिती परिवहन मंत्री अनिल परब यांनी दिली आहे. एसटीची बस सुविधा १७ मे पर्यंतच राहणार असल्याचे त्यांनी म्हटले आहे.

बुकिंग करण्यासाठी महत्वाचे मुद्दे
२२ जणांचे ग्रुप बुकिंग किंवा वैयक्तिक बुकिंगही करता येणार आहे. ग्रुप बुकिंगसाठी २२ जणांची यादी सादर करून प्रवासाची परवानगी घ्यावी लागणार आहे. तसेच वैयक्तिक व्यक्ती किंवा कुटुंबाला जाण्यासाठीही परवानगी घ्यावी लागणार आहे.

शहरी भागात ही परवानगी पोलीसांकडून दिली जाईल तर ग्रामीण भागात ही परवानगी तहसिलदार कार्यालयाकडून दिली जाईल.

२२ जणांच्या ग्रुपला परवानगी मिळाली की सदर परवानगी पत्र विभागीय नियंत्रकाकडे सादर करून बसची मागणी करायची आहे. ही बस तालुका किंवा जिल्ह्याच्या ठिकाणापर्यंत जाईल.

वैयक्तिक आणि कौटुंबिक प्रवास करणाऱ्यांनी MSRTC च्या पोर्टलवर जाऊन बुकिंग करायचं आहे. बुकिंग करताना परवानगी पत्र अपलोड करायचं आहे. एसटी बस पहिल्या स्टॉपला सुरू होऊन थेट शेवटचा स्टॉपला थांबेल.

लांब पल्ल्याच्या बसेस प्रसाधनगृहासाठी एसटीच्या डेपोतच थांबणार आहे. त्यामुळे प्रवाशांनी खाण्या-पिण्याचं साहित्य सोबत घ्यायचं आहे.

बस सुटण्याआधी सॅनिटाईज केली जाईल, तसेच प्रवाशांना सोडल्यानंतर तिथून निघतानाही ती सॅनिटाईज केली जाईल.

प्रवाशांना मास्क बंधनकार, सॅनिटायझर वापरणे बंधनकार आहे. एका सीटवर एकच प्रवाशी बसण्यास परवानगी, झिकझिॅक पद्धतीने प्रवाशी बसणार