तेल्हाऱ्यातील ते पाच संशयित रुग्ण निगेटिव्ह,प्रशासनाला सहकार्य करीत सावधगिरी बाळगण्याचे तहसीलदारांचे आवाहन

तेल्हारा(प्रतिनिधी)- तालुक्यातील पाच जणांना खबरदारी म्हणून अकोला येथे कोरोनाची चाचणी करण्यासाठी हलवण्यात आले होते त्यामुळे तेल्हारकरांच्या चिंतेत भर पडली होती मात्र त्या पाच जणांचे अहवाल निगेटिव्ह आल्याने अखेर नागरिकांनी सुटकेचा श्वास सोडला.
तालुक्यातील पाच संशयित रुग्ण खबरदारी म्हणून अकोला येथे पाठवण्यात आले होते त्यामुळे शहरासह तालुक्यात मोठ्या प्रमाणात अफवाना उत आला होता.त्यामुळे नागरिकांचे लक्ष लागले होते ते त्यांच्या रिपोर्ट कडे तर त्यांचा अहवाल निगेटिव्ह आल्याचे सांगण्यात आले आहे.अकोला जिल्हयात कोरोनाचा पादुर्भाव वाढतच असून तालुक्यातील जनतेने महसूल,पोलीस,नगर पालिका,ग्राम पंचायत प्रशासनाला सहकार्य करून सावधानता बाळगावी असे आवाहन तहसीलदार राजेश सुरडकर यांनी केले.