यवतमाळ: यवतमाळमध्ये कोरोना रूग्णांची संख्या वाढतच चालली आहे. आज तब्‍बल १६ जणांचे अहवाल पॉझिटिव्ह आले आहेत. त्यामुळे एकुण पॉझिटिव्ह रूग्णांची संख्या आता ५० वर पोहोचली आहे. यामुळे प्रशासनाची चिंता वाढली आहे.
आज (रविवार) सकाळी ७ जणांचे अहवाल पॉझिटिव्ह आले होते, तर दुपारी आयसोलेशन वार्डमध्ये भरती असलेल्या आणखी ९ जणांचे पॉझिटिव्ह अहवाल वैद्यकीय महाविद्यालयाला प्राप्त झाले. त्यामुळे आयसोलेशन वॉर्डमध्ये दाखल एकूण पॉझिटिव्ह रूग्णांची संख्या आता ५० वर पोहचली आहे. दरम्‍यान २६४ नमुन्यांचे अहवाल अद्याप मिळाले नसल्‍याचे जिल्हा प्रशासनाने सांगितले आहे.
