दिल्लीच्या निजामुद्दीन भागात काही दिवसांपूर्वी झालेल्या एका मोठ्या धार्मिक कार्यक्रमात सहभागी झालेल्यांमध्ये कोरोना व्हायरसची लक्षणे दिसू लागली आहेत. त्यात परदेशातून आलेल्यांची संख्या देखील मोठी होती. या कार्यक्रमातील काही जण हे आधीच कोरोनाबाधित होते. त्यातील काही लोकांना कोरोनाचा संसर्ग झाल्याचे निदर्शनास आले आहे. या कार्यक्रमास उपस्थित राहिलेल्या सहाजणांचा तेलंगणामध्ये मृत्यू झाला. त्यामुळे देशभर खळबळ उडाली.
13 मार्च : दिल्लीत निजामुद्दीन मर्कज येथे सुन्नी पंथियांच्या तबलिगी जमातचे अधिवेशन भरले. कोरोना संकटातही 3,400 प्रतिनिधी या अधिवेशनाला हजर होते.
16 मार्च : 50 पेक्षा अधिक उपस्थिती असलेल्या सर्व प्रकारच्या धार्मिक, सामाजिक, राजकीय संमेलनांवर बंदी घालण्याची घोषणा मुख्यमंत्री अरविंद केजरीवाल यांनी केली. ही बंदी 31 मार्चपर्यंत होती. तरीही निजामुद्दीन मर्कजचे सुन्नी अधिवेशन सुरू राहिले.
17 मार्च : एखाद्या प्रचंड समुहातून मानवी बॉम्ब बाहेर पडावे तसे जिवंत कोरोना बॉम्ब जणू या तबलिगी जमातच्या अधिवेशनातून बाहेर पडले. या तबलिगीला उपस्थित राहिलेले इंडोनेशियाचे 10 जण तेलंगणात कोरोनाबाधित असल्याचे चाचणीत स्पष्ट झाले.
22 मार्च : पंतप्रधान नरेंद्र मोदी यांनी देशव्यापी जनता संचार बंदी जारी केली. रविवारी कुणीही, कुठेही गर्दी करणार नव्हते.
23 मार्च : 1,500 तबलिगी प्रतिनिधींनी निजामुद्दीन मर्कज सोडले.
24 मार्च : पंतप्रधान नरेंद्र मोदी यांनी 21 दिवसांचा राष्ट्रव्यापी लॉकडाऊन जाहीर केला. निजामुद्दीन मरकजमध्ये असलेले उर्वरित म्हणजे सुमारे 2,000 तबलिगी प्रतिनिधींना जागा रिकामी करण्यास पोलिसांनी सांगितले.
25 मार्च : लॉकडाऊन आदेशांचा भंग करीत सुमारे 1,000 तबलिगी प्रतिनिधी निजामुद्दीन मरकजमध्येच तळ ठोकून. शेवटी याठिकाणी वैद्यकीय पथके दाखल झाली. तपासणीत आढळलेल्या संशयितांना त्याच इमारतीतील वेगळ्या हॉलमध्ये ठेवण्यात आले.
26 मार्च : तबलिगीमध्ये सहभागी झालेला एक मौलवी कोरोना पॉझिटीव्ह निघाला आणि तो श्रीनगरमध्ये मृत्युमुखी पडला.
27 मार्च : निजामुद्दीन मरकजमधून आणखी सहा कोरोना संशयितांना वैद्यकीय चाचणीनंतर हरियाणातील क्वारंटाईन सेंटरला हलवले.
29 मार्च : निजामुद्दीन मरकज रिकामे करण्यास नकार. लॉकडाऊन जाहीर करताना जो जिथे आहे त्याने तिथेच राहावे, असे पंतप्रधानांनी म्हटले आहे. त्यानुसार आम्ही मरकजमध्येच राहणार अशी भूमिका तबलिगींनी घेतली. शेवटी रात्री मरकजमधून एकेकाला दवाखान्यात आणि क्वारंटाईन सुविधांच्या ठिकाणी हलवण्यास सुरूवात झाली.
30 मार्च : तामिळनाडूतून 980 मुस्लिम निजामुद्दीन मरकजला आले होते. त्यातील 10 कोरोना पॉझिटीव्ह निघाले. तेलंगणाचे 6 जण कोरोना पॉझिटीव्ह त्यांचा मृत्यू झाला आहे.
16 देशांचे 281 प्रतिनिधी तबलिगी जमातच्या दिल्ली अधिवेशनाला उपस्थित होते. गेले दोन दिवस कोरोनाच्या भीषण संकटात त्यांचा मुक्काम दिल्लीतच आहे. यापैकी अनेक देश हे कोरोनाबाधित असल्याने याच मंडळींनी आपल्या देशातून आणलेला कोरोनाचा संसर्ग तबलिगी अधिवेशनात इतरांना दिला असू शकतो.
नेपाळ – 19, मलेशिया – 20, अफगान – 1, म्यानमार – 33, अल्जेरिया – 1, बोट – 1, किरगीस्तान – 28, थायलंड – 7, इंडोनेशिया – 72, श्रीलंका – 34, बांगलादेश – 19, इग्लंड – 3, सिंगापूर – 1, फिजी – 4, फ्रान्स – 1, कुवैत – 1