अकोला,दि.२७ – आज अखेर अकोला जिल्ह्यात बाधीत रुग्ण संख्या ही शून्य आहे. तथापि आजपर्यंत २७ जणांचे स्त्रावाचे नमुने तपासणीसाठी पाठविण्यात आले होते. त्यातील २१ जणांचे अहवाल निगेटिव्ह आले आहेत तर अन्य सहा अहवाल प्रलंबित आहेत.
जिल्ह्यात आतापर्यंत एकूण १२३ प्रवाशी ही विदेशातून आलेले आहेत. त्यातील सध्या ४८ जण हे गृह अलगीकरणात आहेत. तर ६८ जणांचा गृह अलगीकरणाचा कालावधी पूर्ण झाला आहे. सहा प्रवासी हे विलगीकरण कक्षात निरीक्षणात आहेत. अद्याप जिल्ह्यात एकही संसर्गित रुग्ण आढळलेला नाही,अशी माहिती निवासी उपजिल्हाधिकारी संजय खडसे यांनी दिली आहे.
अकोल्यात १४ हजार ९१७ जणांचे स्क्रिनिंग;२६ पैकी १९ जणांचे अहवाल निगेटिव्ह
तरीही घरातच रहा- जिल्हाधिकाऱ्यांचे आवाहन
कोरोना विषाणू संसर्ग प्रादुर्भावाच्या पार्श्वभुमिवर बाहेरगावाहून आलेले लोकांना गृह अलगीकरणात राहण्याचा सल्ला देण्यात येत आहे. अकोला जिल्ह्यात अद्याप एकही संशयित रुग्ण आढळला नाही ही जमेची बाजू असली तरी लोकांनी घरातच रहावे, असे आवाहन जिल्हाधिकारी जितेंद्र पापळकर यांनी केले आहेत.
Nice