तेल्हारा येथे ड्रायडेला अवैध दारू विक्री करणाऱ्या दोघांना अटक

तेल्हारा (प्रतिनिधी)- गणेश उसत्व काळात दारू विक्री करणाऱ्या दोघांना आज सकाळी तेल्हारा पोलिसांनी अवैध दारू विक्री करताना रंगेहाथ अटक केली. गणेश विसर्जन काळात जिल्ह्यात दारू विक्रीला बंदी असून आज सकाळी तेल्हारा येथे दारू विक्री करणाऱ्या धोंडू सोळंके व मनोहर सोळंके यांना अवैध दारू विक्री करताना तेल्हारा पोलिसानी रंगेहाथ अटक करून त्यांच्या कडून देशी दारूचे क्वाटर अंदाजे किंमत ७ हजार रुपये जप्त करण्यात आली. सदर दोघांविरुद्ध कलम ६५ ई नुसार कारवाई करण्यात आली.सदर कारवाई ठाणेदार विकास देवरे यांच्या नेतृत्वाखाली पो.कॉ. राजू इंगळे, नागोराव भांगे, सुरेश काळे, भारत ठाकूर यांनी केली.