पिंजर(प्रतिनिधी)– दोनद ता.बार्शीटाकळी जिल्हा अकोला (पो.स्टे.पिंजर) येथील आसरामाता मंदीरावर 11 एप्रिल रोजी बोरगाव मंजु. येथुन रोठाच्या कार्यक्रामासाठी आलेल्या दत्ता ठाकरे (वय अं.35) रा. कारला ता.तेल्हारा ह.मु.भोपाळ हे आसरामाता मंदीराला लागुन असलेल्या काटेपुर्णा नदीवरील डोहात बुडाल्याची माहिती दोनद येथील पोलिस पाटील प्रल्हाद खंडारे आणी सागर कावरे यांनी संत गाडगेबाबा आपत्कालीन शोध व बचाव पथकाचे प्रमुख दीपक सदाफळे यांना दीली होती.

पथक प्रमुख दीपक सदाफळे हे आपले सहकारी ज्ञानेश्वर म्हसाये, गोविंदा ढोके, दिनेश चव्हाण, राहुल साटोटे, अक्षय डोफे, गोविंद कुरकुटे, गौरव ठोंबरे, धीरज राऊत, आणी आपत्कालीन वाहन तसेच शोध व बचाव साहीत्य व रेस्कयु बोटसह सर्च ऑपरेशनसाठी घटनास्थळी काल दुपारी 3:00 वाजता पोहचलो होते. 10 एप्रिल रोजी काटेपुर्णा नदीला पाणी सोडलेले असल्याने ही नदी/डोह पुर्णपणे भरलेला असल्याने नदीमध्ये 25–30 फुट खोल पाणी होते. काल दुपारी 3 तीन वाजतापासुन सर्च ऑपरेशन चालु केले होते. यामध्ये दुर्गादेवी तथा गणेशमुर्तींचे मोठया प्रमाणात फाऊंडेशन आणी निरनिराळे साहित्य रॅम्पला अटकुन येत असल्याने सर्च ऑपरेशनमध्ये अडथळे निर्माण होत होते. तरीही रात्री 10 वाजेपर्यंत शोध मोहीम चालुच होती परंतु कुठेही शोध लागत नव्हता. नातेवाईक आणी काही नागरिकांना ही व्यक्ती नदीमध्ये नसल्याची शंका असल्याने पिंजर पो.स्टे. ठाणेदार नंदकीशोर नागलकर साहेबांनी आसरामाता मंदीरावर लावले असलेले सीसीटीव्ही कॅमेरे यातील फुटेज पाहले आणी त्यामध्ये ही व्यक्ती नदीमध्ये बुडत असतांना दीसली याबाबची खात्री झाल्याने त्या ठिकाणी पुन्हा सर्च ऑपरेशन चालु केले. शेवटी रात्री 12:45 वाजता आम्हाला मृतदेह सापडल्याची माहिती पथक, प्रमुख दिपक सदाफळे यांनी दीली आहे. नातेवाईकांकडे कोणतेही वाहन नसल्याने पथक प्रमुख दीपक सदाफळे यांनी दत्ता ठाकरे याचा मृतदेह उत्तरीय तपासणीसाठी/पि.एम.साठी अकोला येथे रात्री 3:00 वाजता पोहचुन दीला. विशेष म्हणजे की पथक प्रमुख दीपक सदाफळे यांनी बुडालेल्या व्यक्तीच्या वडीलांना काका आणी काकुसह नातेवाईकांना रात्री मुतदेह मिळाल्या नंतर पिंजर आणलेले भोजन बळजबरीने थोड थोड जेवन करायला भाग पाडले. हे लोक भोपाळ वरुन आले असता आणी अतिशय घाबरलेल्या अवस्थेत होती. यामुळे अशावेळी समुपदेशन करुन धीर देणेही तेवढेच गरजेचे असते. अशावेळी एखाद्या दु:खद सीनीमा सारखी परीस्थिती निर्माण होते.

No Result