बाळापूर पोलिस ठाण्याच्या हद्दीत चाकुचा धाक दाखवुन दुचाकीस्वारांना लुटले

बाळापूर(डॉ शेख चांद)- बाळापूर पोलीस स्टेशनच्या हद्दीत दुचाकी स्वारांंनी व्याळा येथील विजय एकघरे यांना देगाव खिरपुरी दरम्यान चाकुच्या धाकावर मोबाईल सह रोख रक्कम लुटली,त्यानंतर काही वेळातच वाडेगाव ते धनेगाव दरम्यान चान्नी येथील रहिवासी प्रकाश सदाशिव ताले ६०वर्ष यांच्याकडील १२हजार रुपये लुटल्याची घटना शनिवारी रात्री ८वाजता दरम्यान घडली.प्राप्त माहितीनुसार वाडेगाव येथून आपले काम आटोपून विजय एकघरे व्याळा येथे जात असताना, तीन दुचाकीवर डबल सीट आलेल्या सहा जणांनी,चकुच्या धाकावर मोबाईल आणि रोख रक्कम लुटली,ही घटना देगाव ते खिरपुरी दरम्यान निर्जन स्थळी घडली, त्या नंतर या दुचाकी धारकांनी वाडेगावच्या दिशेने जाऊन,वाडेगाव ते धनेगाव दरम्यान बाळापूर रोडवर सेवानिवृत्त शिक्षक प्रकाश सदाशिव ताले,६०वर्षे, यांच्या कडील१२ हजार रुपये तलवारीचा धाक दाखवून, हातावर काठी मारून लुटले,पोलिसांना माहिती देऊ नये,म्हणजे प्रकाश ताले यांचा मोबाईल फेकून दिला. घटनेची माहिती वाडेगाव पोलीस चौकीला देऊन,पोलिसांनी तपास करीत, एक दुचाकी बेवारस जप्त केली असून,लुटारुचा शोध बाळापूर पोलीस ठाण्याचे ठाणेदार गजानन शेळके, यांच्या मार्गदर्शनाखाली, साहहयक पोलीस निरीक्षक वैभव पाटील करीत आहेत.

अधिक वाचा : तेल्हारा प.स.मध्ये शहिद दिनानिमित्त हुतात्म्यांना आदरांजली

No Result