जम्मू : जम्मूच्या बस स्टॅँडवर काही वेळापूर्वी झालेल्या एका बाँबस्फोटात 23 लोक जखमी झाले आहेत. जम्मूचे वरिष्ठ पोलीस अधीक्षक तेजेंदर सिंह यांनी बीबीसी हिंदीसाठी कार्यरत पत्रकार मोहित कंधारी यांना सांगितलं की 11.45 वाजता हा हल्ला झाला आणि यात 23 लोक जखमी झाले.
पोलिसांनुसार हल्लेखोर घटनास्थळी ग्रेनेड टाकून पसार झाले. जखमींना जवळच्या हॉस्पिटलमध्ये भरती करण्यात आल्याचंही त्यांनी सांगितलं. यापैकी दोघांची प्रकृती गंभीर आहे, पण ते सध्या धोक्याबाहेर आहेत. शशी कुमार नावाच्या एका प्रत्यक्षदर्शीने मोहित कंधारी यांना सांगितलं, “आमची इथे फळांची हातगाडी आहे. खूप जोरदार स्फोट झाला. कुणी म्हणालं टायर फुटला तर कुणी म्हणालं की बाँबस्फोट झाला. मग कळलं की काही लोक जखमी झाले आहेत. आम्ही त्यांना ताबडतोब गाडीत टाकलं आणि हॉस्पिटलमध्ये नेलं. तोवर पोलीसही घटनास्थळी पोहोचले होते.”
जम्मू विभागाच्या पोलीस महानिरिक्षकांनी सांगितलं की, काही संशयितांनी नवीन बस स्टँडवर उभ्या असलेल्या एका बसच्या बाहेर ग्रेनेड फेकल. ज्यात बस बाहेर उभे असलेले लोक जखमी झाले आहेत. प्राथमिक माहितीनुसार या हल्ल्यात पंजाब रोडवेजच्या बसचं नुकसान झालं आहे. या बसमध्ये बसलेले काही प्रवासी जखमी झाले आहेत. त्याशिवाय आजूबाजूचे काही लोकही जखमी झाले आहेत.
अधिक वाचा : घातक हत्यारा सह सराईत गुन्हेगार अटक, बाळापूर पोलिसांची कामगिरी !
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
