शेती उत्पादन वाढीसाठी पदवीचा उपयोग करावा : वित्त व नियोजन मंत्री सुधीर मुनगंटीवार

अकोला (प्रतिनिधी) : अन्नधान्याचे उत्पादन वाढविणे , शेतीतील गुणवत्ता वाढावी, सेंद्रीय शेती करावी, जे विकू शकतो तेच शेतात पिकवावे यासाठी कृषी विदयापीठातून पदवी प्राप्त केलेल्या विदयार्थ्यांनी शेती उत्पादन वाढीसाठी आपल्या मिळालेल्या ज्ञानाचा उपयोग करण्याची गरज असल्याचे प्रतिपादन वित्त व नियोजन मंत्री सुधीर मुनगंटीवार यांनी केले.

डॉ. पंजाबराव देशमुख कृषि विद्यापीठाच्या 33 व्या दीक्षांत समारंभात विशेष अतिथी म्हणून मार्गदर्शन करतांना ते बोलत होते. यावेळी महाराष्ट्र राज्याचे कृषीमंत्री तथा प्रतिकुलपती चंद्रकांतदादा पाटील ,राणी लक्ष्मीबाई केद्रींय कृषी विश्व विदयालय झाशीचे कुलगुरू प्रा. अरविंद कुमार , महाराष्ट्र कृषि शिक्षण व संशोधन परिषद पुणेचे उपाध्यक्ष तथा खासदार संजय धोत्रे तसेच डॉ.पं.दे.कृ.वि.अकोला चे कुलगुरु डॉ.विलास भाले व विद्यापीठाचे कुलसचिव डॉ. प्रकाश कडू यांची प्रमुख उपस्थिती होती.

पुढे बोलतांना श्री. मुनगंटीवार म्हणाले की, पाच पिढयापासून शेती करणा-या शेतक-यांच्या मुलांनी आधुनिक शिक्षण घेवून शेतात काम करणे आवश्यक आहे असे सांगुन विदयापिठाने आपले तंत्रज्ञान चार भिंतीतून शेतक-यांच्या बांध्यापर्यंत पोहचविणे गरजेचे आहे. विदयापीठाच्या या सुवर्ण महोत्सवी वर्षानिमित्य राज्य शासनाकडुन डॉ. पंजाबराव देशमुख विदयापीठासाठी 151 कोटी रूपयाचा निधी देण्यात येईल. यापैकी 50 टक्के निधी संशोधनावर खर्च करावा असे त्यांनी विदयापीठाला निर्देशीत केले. विदयार्थ्यांनी लालबहाद्दूर शास्त्री यांनी देशाला दिलेला जय जवान, जय किसान या मुलमत्रांचा अवलंबन करून भारत मातेच्या शेतक-यांची सेवा करावी. व शेतक-यांना मजबुरीतून मजबुतीकडे नेण्यासाठी प्रयत्न करावे. शासन सर्वोपरी मदत करण्यास तयार असून शेतक-यांच्या शेतातील पिकांच्या उत्पादन वाढीसाठी शासन कटिबध्द असून राज्य तिजोरीवर पहिला हक्क हा शेतक-यांचा असल्याचे श्री. मुनगंटीवार यांनी सांगितले

यावेळी डॉ.पंजाबराव देशमुख कृषी विद्यापीठाचे कुलगुरु डॉ. विलास भाले यांनी स्वागतपर प्रास्ताविकातुन विद्यापीठाच्या वाटचालीचा आलेख उपस्थिता समोर मांडला.

या पदवीदान समारंभात 2068 पदवीधरांना पदवीदान करण्यात आले. यात बी.एस.सी. कृषीचे 1464, बी.एस.सी. उद्यानविद्या 104, बी.एस.सी.कृषी जैवतंत्रज्ञान 46, बी.टेक कृषी अभियांत्रिकी 79, बी.एस.सी. वन विदया 25, बी.एस.सी. कृषी व्यवसाय व्यवस्थापन 25, बी.एस.सी. अन्न शास्त्र 15, एम.एस.सी.कृषी 205, आणि पी.एच.डी.च्या 24 विद्यार्थ्यांचा समावेश होता. यावेळी पदवीप्राप्त विद्यार्थ्यांना पारितोषकाचे वितरण करण्यात आले. एम.एस.सी. कृषी पदवी परिक्षेत सर्वाधिक मुल्यांक प्राप्त करून लालसिंग राठोड यांनी पाच सुवर्ण पदक व एक रोप्य पदक मिळविले. बी.एस.सी. कृषी पदवी परिक्षेत सर्वाधिक मुल्यांकन प्राप्त करून स्नेहल विनय चव्हाण या

विदयार्थींनीने तीन सुवर्ण , तीन रोप्य , व तीन रोख पारितोषिक मिळविले.
उत्कृष्ट शिक्षक म्हणुन डॉ. निरज सातपुते यांना रजत पदक तसेच आयसीएआरचे उत्कृष्ठ शिक्षक पारितोषिक डॉ. यु.एस. कुळकर्णी यांना देवुन सन्नमानीत केले. यावेळेस डॉ. पी.एच. बकाने, डॉ. एम.बी.नागदेवे , कु. एम.बी. खेडकर, डॉ. एस.आर. काळबांडे, डॉ. यु.एस.कुळकर्णी, श्री.व्ही. पी. खांबलकर, यांना उत्कृष्ठ संशोधन केल्याबद्दल तसेच संशोधन कार्यासाठी व विदयापीठ क्षेत्रातील शेतक-यांना तात्काळ पोचविण्यासाठी यांना रोख पारितोषीक देवुन सन्नमानीत करण्यात आले. तसेच राष्ट्रीय स्तरावर उत्कृष्ठ संशोधन केल्याबद्दल डॉ. शामसुल हयात मो. शेक यांना सुवर्ण पदक देवून गौरविण्यात आले. उत्कृष्ठ कर्मचारी म्हणून जे आर गांवडे व जी एस होगे यांना रोख पारितोषिक देवून गौरविण्यात आले.

कार्यक्रमाची सांगता पसायदानाने करण्यात आली.यावेळी जिल्हाधिकारी आस्तिक कुमार पाण्डेय, कार्यकारी परिषदेचे सदस्य आमदार गोपीकिशन बाजोरीया , आमदार रणधीर सावरकर, आमदार संजय रायमुलकर व माजी आमदार श्री. जवेरी तसेच विद्यापीठाच्या विद्वत्त परिषदेचे सदस्य, प्राचार्य, प्राद्यापक,संशोधक,विभाग प्रमुख, व्यासपीठावर उपस्थित होते.

अधिक वाचा :पालकमंत्री डॉ. रणजीत पाटील यांच्या जनता तक्रार निवारण सभेला उत्स्फुर्त प्रतिसाद

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola