मुंबई : अभिनेत्री केट शर्मा हिनं सुभाष घई यांच्या विरोधात दाखल केलेली लैंगिक छळाची तक्रार मागे घेतली आहे. पोलीस या प्रकरणी काहीच कारवाई करत नसल्यामुळे आपण तक्रार मागे घेतली आहे, असा खुलासा तिनं केला आहे.
सुभाष घई यांनी आपला लैंगिक छळ केल्याचा आरोप केट शर्मा हिनं काही दिवसांपूर्वी केला होता. ‘माझा मसाज कर’ अशी मागणी त्यांनी अनेक लोकांसमोर केली होती. तिनं नकार दिल्यावर त्यांनी सरळ तिला घट्ट मिठी मारली होती आणि तिचं चुंबन घेण्याचा प्रयत्न केला होता. तिथे उपस्थित असलेले सर्वचजण हा प्रकार शांतपणे पाहत होते. याबद्दल केटने सोशल मीडियावर रीतसर पोस्ट लिहिली होती. नंतर पोलिसात तक्रारही दाखल केली होती. सुभाष घईंनी केटचे सगळे आरोप फेटाळले होते.
‘माझ्या पोस्टचं समर्थन करण्याऐवजी खिल्लीच जास्त उडवण्यात आली. #मीटू चळवळीतून अनेक मुली व्यक्त होत आहेत, पण एकाही आरोपीला अटक होत नाहीय. पोलीस काहीच कारवाई करणार नसतील तर तक्रार दाखलच का करावी,’ असा प्रश्न तिनं केला आहे. माझी आई आजारी आहे. अशा परिस्थितीत या प्रकरणाचा अधिक पाठपुरावा करण्याची ताकद माझ्यात नाही, असंही तिनं स्पष्ट केलं आहे.
अधिक वाचा : #MeToo : आलोकनाथ वर अखेर बलात्काराचा गुन्हा दाखल!
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola