अकोला (प्रतिनिधी) : शासनाच्या प्लास्टिकबंदी आदेशाची अंमलबजावणी करीत अकोला महानगरपालिकेच्या आरोग्य विभागातर्फे शहरातील हॉटेल व्यावसायिकांवर दंडात्मक कारवाई करण्यात आली.
सोमवारी (ता. १९) शहरातील आरोग्य विभागातर्फे विविध प्रतिष्ठानांवर धाडी टाकण्यात आल्या. त्यात शहरातील नामांकित हॉटेल जसनागरा तसेच हॉटेल महेक येथे प्लस्टिकचा साठा आढळून आला. प्लास्टिकबंदी असतानाही या दोन्ही प्रतिष्ठानांमध्ये प्लस्टिक पिशव्या वापरत असल्याचे निदर्शनास आले. त्यामुळे या दोन्ही प्रतिष्ठानांवरण दंडात्मक कारवाई करण्यात आली. दोन्ही प्रतिष्ठानांना प्रत्येकी पाच हजार रुपयांचा दंड ठोठावण्यात आला.
शहर अस्वच्छ करणाऱ्या नागरिकाविरुद्धही मनपाच्या आरोग्य विभागातर्फे कारवाई करण्यात आली. सिव्हील लाईन्स येथील शे. नजिम शे. जमिल यांच्याकडील कार्यक्रमातील उरलेले शिळे अन्न रस्त्यावर फेकून त्यांनी शहर अस्वच्छ केले. परिसरात अस्वच्छ्ता पसरविल्यामुळे त्यांना देखिल पाच हजार रुपयांचा दंड ठोठावण्यात आला. सदर कारवाई मनपा आयुक्त जितेंद्र वाघ यांच्या आदेशान्वये, आरोग्य विभागाचे प्रमुख प्रशांत राजुरकर, तसेच आरोग्य अधिकारी प्रशिस भातकुले, सोहम कुलकर्णी, विरेंद्र हॅलोडे यांनी पार पाडली.
आरोग्य विभागाने या तीन कारवाईच्या माध्यमातून १५ हजार रुपयांचा दंड वसूल केला. प्लस्टिक बॅग्स तसेच प्लास्टिकबंदी अंतर्गत समाविष्ट वस्तूंचा वापर टाळून पर्यावरण संवर्धन, तसेच शहर स्वच्छ ठेवण्याकरिता मनपाला सहकार्य करावे, असे आवाह्न मनपाच्या आरोग्य विभागातर्फे करण्यात आले.
अधिक वाचा : आदिवासी विभागातील भ्रष्टाचाराविरोधात उपोषण सुरू
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola