बुलडाणा : सुतळी बॉम्ब तोंडात फुटल्याने एका सात वर्षीय मुलाचा मृत्यू झाल्याची धक्कादायक घटना बुलडाणा जिल्ह्यात घडली आहे. पिंपळगाव सराई इथे मंगळवारी हा प्रकार घडला. यश संजय गवते असं मृत मुलाचं नाव आहे. दिवाळी अवघ्या काही दिवसांवर येऊन ठेपली आहे. त्यामुळे यश त्याच्या मित्रांसोबत घराबाहेर फटाके फोडत होता. खेळता खेळता यश घरात आला आणि काडीपेटीचा डब्बा घेऊन बाहेर गेला. त्यावेळी त्याचे वडील जेवत होते. अचानक काही वेळाने स्फाटाचा आवाज आला. त्याच्या वडिलांनी बाहेर जाऊन पाहिलं असता, यश रक्ताच्या थारोळ्यात पडला होता.
खेळताना यशला सुतळी बॉम्ब सापडला. यशने तो बॉम्ब फोडण्यासाठी विस्तवासमोर ठेवला. पण बॉम्ब फुटलाच नाही. मग यशने सुतळी बॉम्ब पुन्हा हातात घेतला. सुतळी बॉम्बची वात तोंडात धरत असतानाच तो फुटल्याने यशला गंभीर दुखापत झाली.त्याला तातडीने जवळच्या सरकारी रुग्णालयात दाखल करण्यासाठी नेलं. परंतु त्याआधीच त्याचा मृत्यू झाला होता.
अधिक वाचा : पतीच्या हत्येनंतर रडली नाही म्हणून जन्मठेप
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
