विदर्भातील सर्व जिल्ह्यामध्ये गुलाबी बोंडअळीचा प्रादुर्भाव, दहा टक्के नुकसान पातळी

अकोला – गुलाबी बोंडअळीने यंदाही पुन्हा एकदा डोके वर काढले आहे. विदर्भातील सर्व जिल्ह्यामध्ये गुलाबी बोंडअळीचा प्रादुर्भाव १० टक्क्यांवर आढळून आला आहे,’ असे डॉ. पंजाबराव देशमुख कृषी विद्यापीठाच्या कीटकशास्त्र विभागाद्वारे तसेच तालुकास्तरीय सर्वेक्षण समितीमधील कीटकशास्त्रज्ञांनी केलेल्या सर्वेक्षणामध्ये समोर आले आहे. मूर्तिजापूर तालुक्यातील उमरी, वाशीम जिल्ह्यातील कारंजा लाड तालुक्यातील गंगानगर, यवतमाळ जिल्हयातील सातेफळ, चिकणी तसेच बुलडाणा जिल्ह्यातील आसा, आंबेटाकळी, रामनगर बोरी अडगाव, किन्ही येथे ऑक्टोबरच्या शेवटच्या आठवड्यात हिरव्या बोंडामध्ये गुलाबी बोंडअळीचा प्रादुर्भाव १० टक्क्यावर आढळून आला आहे.

गुलाबी बोंडअळीचा प्रादुर्भाव कोरडवाहू कपाशी, हलक्या ते मध्यम जमिनीतील हिरव्या कपाशीमध्ये जास्त आढळून आला आहे. सप्टेंबरच्या शेवटच्या आठवड्यापासून ते ऑक्टोबरच्या तिसऱ्या आठवड्यापर्यंत सरासरी दिवसाचे तापमान ३५ अंश सेल्सियस असल्याने या अळीचा प्रादुर्भाव वाढण्यास अटकाव झाला होता. मात्र आत यापुढे तापमान जसे वाढत जाईल तसे हिरव्या बोंडामधील गुलाबी बोंडअळीच्या प्रादुर्भावात वाढ होईल, असे कीटक शास्त्रज्ञ डी.बी. उंदीरवाडे यांचे म्हणणे आहे.

No Result