अर्जेंटिना येथे सुरु असलेल्या युवा ऑलिम्पिक स्पर्धेत आज भारताच्या लक्ष्य सेन याने बॅडमिंटनमध्ये रौप्यपदकाची कमाई केली. पुरुष एकरी गटात त्याला अंतिम फेरीत त्याला पराभवाचा सामना करावा लागला. चीनच्या शिफाइंग ली याने त्याला २१-१५, २१-१९ अशा सरळ गेममध्ये पराभूत केले. त्यामुळे काही काळापूर्वी क्रमवारीत अव्वल असलेल्या लक्ष्य सेनला पुन्हा अव्वलस्थान मिळवणे अवघड झाले आहे.
एकूण ४२ मिनिटे चाललेल्या या सामन्यात लक्ष्यने पहिल्यापासूनच निराशाजनक खेळ केला. त्यामुळे चीनच्या खेळाडूला सामन्यावर वर्चस्व मिळवणे सहज शक्य झाले. ली याने पहिला गेम २१-१५ असा सहज जिंकला. दुसऱ्या गेममध्ये मात्र लक्ष्यने चांगली झुंज दिली. दोघांमध्येही दुसरा गेम अटीतटीचा झाला. अखेर चीनच्या ली ने २१-१९ असा गेम जिंकला आणि सामनाही जिंकला.
या विजयाबरोबर भारताची पदकसंख्या ६ झाली आहे. यात ३ सुवर्ण आणि ३ रौप्यपदकाची कमाई केली.
अधिक वाचा : पूनम राऊत करणार भारत ‘अ’ संघाचे नेतृत्व
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
