मुंबई : मुंबईच्या ओशिवरा परिसरात एका नामवंत फॅशन डिझायनरची तिच्या मुलाने हत्या केल्याचा धक्कादायक प्रकार उघडकीस आला आहे. सुनिता सिंह (45) असे हत्या झालेल्या फॅशन डिझायनरचे नाव असून तिच्या हत्येप्रकरणी मुलगा लक्ष्य याला आशिवरा पोलिसांनी अटक केली आहे. पार्टीनंतर मॉडेल असलेल्या मुलाने नशेच्या धुंदीत आईला जबर मारहाण करून तिला बाथरूममध्ये कोंडून ठेवले होते. मात्र सकाळी जेव्हा बाथरुम उघडल्यावर तिचा मृत्यू झाल्याचे लक्षात आले.
बुधवारी रात्री मुंबईतल्या पॉश अशा लोखंडवालामधील क्रॉस गेट इमारतीच्या ए विंगमधील 301 नंबरच्या फ्लॅटमध्ये सुनिता, तिचा मुलगा लक्ष्य, मुलाची प्रेयसी आणि लक्ष्यचा मित्र निखिल मध्यरात्रीपर्यंत पार्टी करत होते. पार्टीनंतर दारूच्या नशेत आई आणि मुलामध्ये काही कारणावरून कडाक्याचे भांडण झाले. नशेत धुंद असलेल्या लक्ष्यने आईला जबर मारहाण केली आणि नंतर बाथरूममध्ये ढकलून दार बंद कले. जोरदार धक्का दिल्याने बाथरूमधील नळावर सुनीताचं डोकं आपटल्याने तिला जबर मार बसला होता. मात्र ही गोष्ट कळण्याआधीच लक्ष्यने बाथरूमचा दरवाजा बंद केला होता. त्यामुळे सुनिताचा बाथरूमध्येच मृत्यू झाला.
दरम्यान, सकाळी शुद्धीवर आल्यानंतर जेव्हा तो बाथरूमध्ये गेला तेव्हा आईचा मृतदेह बघून तो हादरून गेला. त्याने अँबुलन्स बोलावली पण अँबुलन्सवाल्यांनी मृतदेह घेऊन जाण्यास नकार दिला आणि हा सर्व प्रकार पोलिसांना कळवण्यात आला. पोलिसांन सुनिता सिंह यांचा मुलगा आणि त्याची प्रेयसी यांच्यावर संशय आला. त्याने पोलीस तपासात सुरुवातीला दिशाभूल करण्याचा प्रयत्न केला मात्र, पोलिसांनी हिसका दाखवल्यानंतर त्याने आपला गुन्हा कबूल केला.
अधिक वाचा : महाराष्ट्रात सैराट! आई वडिलांकडूनच मुलीची हत्या
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
