नवी दिल्ली- बँक ऑफ बडोदा मध्ये विजया बँक व देना बँकेचे विलीनीकरण होणार आहे. तिन्ही सरकारी बँका आहेत. अर्थमंत्री अरुण जेटलींनी सोमवारी ही घोषणा केली. विलीनीकरणानंतर होणारी बँक एसबीआय आणि एचडीएफसी बँकेनंतरची देशातील तिसरी सर्वात मोठी बँक असेल. वित्तीय सेवा सचिव राजीवकुमार म्हणाले, तिन्ही बँकांचे संचालक मंडळ विलीनीकरणाच्या प्रस्तावावर विचार करून त्याला मंजुरी देतील. तोवर तिन्ही बँका स्वतंत्रररीत्या काम करत राहतील. सरकार त्यात जी भांडवली गुंतवणूक करणार होते तीही होईल.
बँक ऑफ बडोदाचे सीईओ पी. एस. जयकुमार म्हणाले, विलीनीकरणानंतर पश्चिम-दक्षिण राज्यांत बँकेचा विस्तार होईल. बँकांच्या विलीनीकरणावर सरकारने स्थापलेल्या समितीच्या शिफारशींवर हा निर्णय घेतला आहे. केंद्र सरकारला देशात जागतिक दर्जा व आकाराच्या ५-६ मोठ्या बँका हव्या आहेत. यामुळे कमकुवत बँकांचे मजबूत बँकांत विलीनीकरण करण्यात येत आहे.
अर्थमंत्री म्हणाले, विलय प्रक्रियेत कोणत्याही बँकेचे कर्मचारी काढले जाणार नाहीत. गतवर्षी एसबीआय मध्ये ६ बँका विलीन केल्या तेव्हाही कुणालाही कमी केले नव्हते.
विलयामुळे या बँकांच्या ग्राहकांचे कोणतेही नुकसान होणार नाही. देना व विजया बँकेचे ग्राहक बडोदा बँकेचे ग्राहक होतील. हीच प्रक्रिया एसबीआयमध्येही झाली होती. देशात २१ सरकारी बँका आहेत. त्यांचा एकूण एनपीए १४% वर पोहोचला आहे. आरबीआयने देनासह ११ बँकांना कर्ज- पुरवठा करण्यास मनाई केली आहे.
अधिक वाचा : …तर मी पेट्रोल-डिझेल 35-40 रुपयांना विकेन – बाबा रामदेव
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
