अकोट शहरात गणेशोत्सव निमित्ताने भव्य रूट मार्च

अकोट (सारंग कराळे): अकोट शहर हे अतिसंवेदनशील असल्याने आगामी गणेश विसर्जन शांततेत व्हावे म्हणून पोलिस अधीक्षक एम राकेश कलासागर व अकोट उपविभागीय पोलिस अधिकारी सुनील सोनवणे ह्यांचे मार्गदर्शनाखाली पोलिस निरीक्षक गजानन शेळके ह्यांनी भव्य रूट मार्च चे आयोजन केले होते.
ह्या मध्ये मुबई येथून अकोल्यात बंदोबस्त कमी आलेले शीघ्र कृती दल , अकोला येथील दंगा काबू पथकाचे ३ तुकड्या, राज्य राखीव दलाची तुकडी व पोलिस स्टेशनचे ५०कर्मचारी असे शेकडो पोलिसांच्या सह अकोट शहरातील शिवाजी चौक, सोनू चौक, याकूब पटेल, शौकत अली , बरगण, बडा आलवा, केशवराज वेताळ, यात्रा चौक अश्या महत्वाच्या भागात रूट मार्च करून शक्ती प्रदर्शन केले, रूट मार्च च्या पुढे नागरिकांना सूचना देण्यात येऊन अफवा पासून सावध राहण्याचे व काही संशयास्पद आढळल्यास त्वरित पोलिसांना माहिती देण्याविषयी सूचना देण्यात येत होत्या रूट मार्च मध्ये, उपविभागीय पोलिस अधिकारी सुनील सोनवणे, पोलिस निरीक्षक गजानन शेळके, ग्रामीण चे मिलिंद कुमार बहाकार, शीघ्र कृती दलाचे अधिकारी सह मोठ्या संख्येने कर्मचारी उपस्थित होते.