मूर्तिजापूर (प्रकाश श्रीवास):- धानोरा बु. येथून शेतमजुरांना घेऊन मुर्तिजापूरकडे येणारी आॅटोरिक्षा उलटून १४ जण जखमी झाल्याची घटना जामठी फाट्याजवळ बुधवारी सकाळी घडली.
धानोरा येथील मजूर मूर्तिजापूरकडे विनाक्रमांकाच्या आॅटोरिक्षा मध्ये बसून येत होते. या आॅटोरिक्षाने हातगाव-जामठी फाट्याजवळ विरुद्ध दिशेने येणाऱ्या मालवाहू वाहनाला जोरदार धडक दिली. या अपघातात आॅटोरिक्षा रस्त्याच्या कडेला जाऊन उलटली.
यामध्ये तुकाराम राठोड, ज्योतीराम शिंझुर्डे, गीताबाई ज्योतीराम शिंझुर्डे, वनिता विलास आडे, पुनम भगवान ढोरे, शुभम गजानन ढोरे, ज्ञानदेव सुखदेव राठोड, कमलाबाई ज्ञानदेव राठोड, शशिकला अजय चव्हाण,अरुण चव्हाण, सुवर्णा गणेश राठोड, शोभाताई गणेश राठोड, महादेव भगवान करडे सर्व राहणार धानोरा बु. व शे. कलीम शे. जमतील राहणार सोनोरी हे १४ मजूर जखमी झाले. जखमींना मूर्तिजापूर येथील लक्ष्मीबाई देशमुख उपजिल्हा रुग्णालयात उपचारार्थ दाखल करण्यात आले आहे. अपघात होताच आॅटो चालक घटनास्थळावरून पसार झाला. सदर आॅटो गौरखेडी येथील असल्याचे समजते.
अधिक वाचा : वाढती रहदारी लक्षात घेऊन मूर्तीजापुर चे बसस्थानक हलविणे गरजेचे..।
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
