नवी दिल्ली : इंधन दरवाढीविरोधात काँग्रेसने आज (सोमवाऱ) ‘भारत बंद’ ची हाक दिली आहे. काँग्रेसने पुकारलेल्या भारत बंदला आज दिल्लीतून सुरवात झाली आहे. काँग्रेस अध्यक्ष राहुल गांधी यांनी राजघाटावरुन या आंदोलनाला सुरवात केली आहे. त्यांनी कैलास मानस सरोवर यात्रेवरुन आणलेले ‘पवित्र जल’ राजघाटावर महात्मा गांधी यांच्या समाधीवर अर्पण करुन या आंदोलनाला सुरवात केली.
दरम्यान, आजच्या या भारत बंदला देशभरातील मनसे, द्रमुक, डाव्यांसह 21 राजकीय पक्षांनी पाठिंबा दिला आहे. मात्र, शिवसेनेनं या बंदला पाठिंबा दिलेला नाही. गेल्या काही दिवसांपासून पेट्रोल, डिझेलचे दर सतत वाढत आहेत. आजही पेट्रोलच्या दरात 23 पैशांची वाढ झाली आहे. त्यामुळे मुंबईत एक लिटर पेट्रोलचा दर 88.12 रुपये झाला आहे.
इंधन दरवाढीमुळे महागाई वाढत असताना दुसरीकडे रुपयाची घसरण सुरूच आहे. मोदी सरकारचं हे अपयश जनतेसमोर नेण्याचा प्रयत्न विरोधकांकडून ‘भारत बंद’च्या माध्यमातून केला जात आहे. देशभर आज काँग्रेसकडून आंदोलन करण्यात येणार आहे.
अधिक वाचा : हार्दिक पटेलची प्रकृती खालावली; तरीही उपोषणावर ठाम
अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.
अवर अकोला ला फेसबुक वर लाईक करा – www.facebook.com/OurAkolaMedia
अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks
अवर अकोला ला ट्विटरवर फॉलो करा – https://twitter.com/ourakola
अवर अकोला ला इन्स्टाग्रामवर फॉलो करा – www.instagram.com/OurAkola
