चिखलगावच्या ग्रामस्थांनी केरळ पुरग्रस्तांसाठी दिला भरीव निधी

अकोला – केरळ येथील पुरग्रस्तांसाठी मदत म्हणून आज अकोला तालुक्यातील चिखलगाव येथील ग्रामस्थांनी जमा केलेली रु. 6 हजार 680/- इतकी रक्कम जिल्हाधिकारी कार्यालयातील मदत कक्षाच्या माध्यमातून ऑनलाईन जमा केली. याबाबतचे पत्र ग्रामस्थांनी जिल्हाधिकारी आस्तिक कुमार पाण्डेय यांना दिले. यावेळी जिल्हाधिकारी यांनी ग्रामस्थांचे कौतुक केले.

तसेच, बाळापूर तालुक्यातील मोरगाव सादीजन येथील जिल्हा परिषद वरिष्ठ प्राथमिक शाळेच्या विदयार्थ्यांनी रक्षाबंधनाची सामुहिकरित्या जमा केलेली ओवाळणीची रु. 1500/- इतकी रक्कम शाळेच्या शिक्षकांनी मदत कक्षाच्या माध्यमातून ऑनलाईन जमा केली. याबाबतचे प्रमाणपत्र अप्पर जिल्हाधिकारी राजेश खवले यांनी शिक्षकांना दिले. यावेळी गुणवत्ता शिक्षण विभागाचे प्रकाश अंधारे व जिल्हा हेल्प डेस्कचे प्रसाद रानडे उपस्थित होते.

केरळ राज्यात अतिवृष्टीमुळे महाप्रलयकारी परिस्थिती निर्माण झाली आहे, त्यामुळे या राज्यातील पुरग्रस्तांना भरीव मदत करण्याकरीता अकोला जिल्हयातील नागरिकांनी व सर्वच घटकातील व्यक्तींनी सहृदयतेने यथाशक्य आर्थिक मदत करावी, असे आवाहन जिल्हाधिकारी यांनी केले होते. या आवाहनाला प्रतिसाद देत अनेकजण मदतीसाठी पुढे येत आहे.

दरम्यान, आर्थिक मदतीकरीता ऑनलाईन पैसे भरण्याची सुविधा केरळ शासनाने उपलब्ध करुन दिली आहे. ‘मुख्यमंत्री आपत्ती निवारण निधी’ (सीएमडीआरएफ) या नावाने निधी पाठविता येणार आहे. ऑनलाईन सेवेचा तपशील पुढीलप्रमाणे आहे. https://donation.cmdrf.kerala.gov.in/ उपकार्यक्रमाचे नाव – मुख्यमंत्री महोदयांचा संकटकालीन मदत निधी, खाते क्र. 6731 9948232, भारतीय स्टेट बँक, शाखा – तिरुअनंतपुरम, IFSC कोड – SBIN 0070028, PAN – AAAGD0584M, खाते प्रकार – बचत, SWIFT CODE – SBININBBT08.

सदर ऑनलाईन पध्दतीने पैसे भरण्यासाठी जिल्हाधिकारी कार्यालयाच्या परिसरातील शैक्षणिक गुणवत्ता कक्ष येथे मदत कक्षाची स्थापना करण्यात आली असून या कक्षात हर्षदा काकड, प्रकाश अंधारे, प्रसाद रानडे, विशाल ढाकरगे, सचिन भांबेरे, संतोष इंगळे, हितेश राऊत, प्रसाद देशमुख यांचा समावेश आहे. अधिक माहितीसाठी प्रकाश अंधारे, मो.क्र. 8484906992 आणि प्रसाद रानडे, मो.क्र. 9822712562 या क्रमांकावर संपर्क साधावा. सदर मदत निधी हा शंभर टक्के करमुक्त आहे. आपदग्रस्तांना मदत करणे हे एक मानवी कर्तव्य असून आपल्या अल्पशा मदतीव्दारे केरळवासियांचे मनोबल उंचावेल, त्याकरीता बहुसंख्य नागरिकांनी सढळ हाताने मदत करावी, असे आवाहन जिल्हाधिका-यांनी केले आहे.

अधिक वाचा : सामाजिक जबाबदारी समजुन जलसंवर्धन आवश्यक

अकोला शी संबंधित सर्व बातम्यांसाठी आम्हाला फेसबुक, ट्विटर, यूट्यूब वर फॉलो करा.

अवर अकोला ला फेसबुक वर लाईक करा – www.facebook.com/OurAkolaMedia

अवर अकोला’च्या यूट्यूब चॅनेलला सबस्क्राईब करा – www.youtube.com/OurMediaNetworks

अवर अकोला ला ट्विटरवर फॉलो करा – https://twitter.com/ourakola

अवर अकोला ला इन्स्टाग्रामवर फॉलो करा – www.instagram.com/OurAkola