अकोट(सारंग कराळे)– अकोट पोलीस स्टेशन हद्दीमध्ये येत असलेल्या शिवाजी चौक येथे कर्तव्य बजावत असलेल्या वाहतूक पोलिसांनी घर विसरलेल्या दोन चिमुकल्या बहीण भावाला त्यांच्या घरी सुखरूप पोहचवले.
सविस्तर बाब अशी आहे की अकोट पोलीस स्टेशन चे वाहतूक पोलीस गणेश फोकमारे व अनिल लाफुरकर हे शिवाजी चौक येथे कर्तव्यावर असतांना त्यांना एक मुलगा एक मुलगी रडताना दिसून आले.त्यांना नाव गाव विचारले असता त्यांना काहीच स्पष्ट सांगता येत नसल्याने त्यांनी बसस्थानकाकडे हाथ दाखवला त्यावरून जेतवन नगर येथे त्या दोघांना घेऊन गेले.त्या ठिकाणी गेल्या नंतर त्या दोघांची ओळख पटली.
मोलमजुरी करणारे गौतम इंगळे व त्यांची पत्नी कामा निमित्य बाहेर गेले होते.तेव्हा हे दोघे खेडत शिवाजी चौक पर्यन्त येऊन पोहचले त्यामुळे ते आपले घर विसरल्याचे समोर आले.त्याचे नाव सक्षम गौतम इंगळे व करूना गौतम इंगळे ह्या दोघांना सुखरूप त्यांच्या आई वडिलांच्या स्वाधीन केले.यावेळी मात्र पोलिसांमधील माणुसकीचा परिचय पुन्हा या वाहतूक पोलिसांनी दाखवला.
