बॉलिवूडमध्ये आपल्या खट्याळ स्वभावामुळे प्रत्येक चित्रपट गाजविणारी अभिनेत्री काजोल पुन्हा एकदा चंदेरी दुनियेमध्ये पाऊल ठेवण्यास सज्ज झाली आहे. काजोलने गेल्या अनेक वर्षापासून मोठ्या पडद्यापासून फारकत घेतली होती. मात्र ती लवकरच आता बॉलिवूडमध्ये पदार्पण करणार असून या चित्रपटाचं पोस्टर नुकतंच प्रदर्शित झालं आहे.
काजोल ‘हेलिकॉप्टर इला’ या आगामी चित्रपटामध्ये झळकणार असून या चित्रपटाचं पोस्टर प्रदर्शित झालं आहे. या चित्रपटाचं पोस्टर काजोलने तिच्या ट्विटर हॅण्डलवरुन शेअर केलं आहे.विशेष म्हणजे या चित्रपटाची निर्मिती अभिनेता अजय देवगणने केली आहे.
Holding on to my baby be like….? #MotherlyLove #HelicopterEela#14thSept @ajaydevgn @HelicopterEela @pradeepsrkar #SirshaRay @riddhisen896 @ADFfilms @jayantilalgada @saregamaglobal pic.twitter.com/4ZqxPWBQOX
— Kajol (@KajolAtUN) July 13, 2018
गायिका होण्याचं स्वप्न उराशी बाळगणाऱ्या महिलेच्या जीवनावर हा चित्रपट आधारित असून गायिका होण्यासाठी या महिलेला जो संघर्ष करावा लागतो तो संघर्ष या चित्रपटाच्या माध्यमातून दाखविण्यात येणार आहे. या चित्रपटामध्ये रिद्धी सेन काजोलच्या भूमिकेत झळकणार आहे.
दरम्यान, अजय देवगणबरोबरच जयंतीलाल गडा हेदेखील या चित्रपटाची निर्मितीमध्ये हातभार लावणार असून प्रदीप सरकार यांनी चित्रपटाच्या दिग्दर्शनाची जबाबदारी स्वीकारली आहे. ‘हेलिकॉप्टर इला’ येत्या १४ सप्टेंबर रोजी प्रदर्शित होणार आहे.
New poster of #HelicopterEela, featuring Kajol and Riddhi Sen… Directed by Pradeep Sarkar… Ajay Devgn and Jayantilal Gada [PEN] presentation… 14 Sept 2018 release… The film will be distributed internationally by Eros. pic.twitter.com/nXRKS8YlOy
— taran adarsh (@taran_adarsh) July 13, 2018
अधिक वाचा : अजय देवगण चाणक्यची भूमिका करणार
