वटपौर्णिमेच्या आदल्या दिवशीच बायकोविरोधात ‘आंदोलन’,पुढच्या जन्मी ही बायको नको रे देवा

हेही वाचा

पाहुणे येत आहेत पोरी’..’स्थळ’ चित्रपटातलं गाणं भेटीला

अशा प्रकारे तुम्‍ही एक परावलंबी वर्ग तयार करत नाही का..?

अकोला(निलेश जवकार) : उद्या सर्वत्र वटपौर्णिमा साजरी होणार आहे. त्यानिमित्त सर्व महिला याची तयारी करत आहेत. सात जन्म हाच नवरा मिळावा ही यामागची भावना आहे. पण औरंगाबाद येथे चक्क हि बायको नको यासाठी काही पुरुषांनी वडाच्या झाडाऐवजी पिंपळाच्या झाडाला फेऱ्या मारून अनोखे आंदोलन केले. आज दिवसभर सगळीकडे याची जोरदार चर्चा सुरु होती. आंदोलनकर्ते पुरुष पत्नी पीडित संघटनेचे कार्यकर्ते आहेत.

बायकोच्या जाचाला कंटाळून औरंगाबादच्या पुरुषांनी हे हटके आंदोलन केलं आहे. बायकोपासून लवकरात लवकर सुटका व्हावी यासाठी सर्व पुरुषांनी पिंपळाच्या झाडाजवळ यमाला विनंती करत पूजा केली. हे सर्व पुरुष पत्नीने दाखल केलेल्या केसेसमुळे वैतागलेले आहेत.

वटपौर्णिमेच्या एक दिवस आधीच यांनी हे आंदोलन का केलं? असा प्रश्नही तुम्हाला पडला असेल. त्याचं कारणही मजेशीर आहे. वटपौर्णिमेच्या दिवशी यमराज व्यस्त असतील, त्यामुळे त्यांनी वटपौर्णिमेच्या एक दिवस आधी आंदोलन केल. तसेच पिंपळाच्या झाडाखाली मुंजा राहतो म्हणून त्यांनी आंदोलनासाठी वडाच्या झाडाऐवजी पिंपळाच्या झाडाची निवड केली.