मुर्तीजापुर दि.२३(प्रतिनिधी)- येथील राष्ट्रीय महामार्ग क्र सहा वरील अकोला- अमरावती मार्गावरील सेनापती हाँटेल ते काँटन मार्केट समोर दि.२३ जुन च्या दुपारी १ वाजताच्या सुमारास एका अज्ञातट्रक ने स्कूटीला जबर धडक दिल्याने एक ६० वर्षीय इसमाचा जागीच चुराडा झाल्याची घटना घडली आहे. मिळालेल्या माहितीनुसार राष्ट्रीय महामार्ग क्र. सहा वरील हाँटेल सेनापती ते काँटन मार्केट समोर अकोला- अमरावती रोडवर अकोल्यावरून अमरावती कडे भरधाव वेगाने जाणाऱ्या एका अज्ञान वाहनाने काँटन मार्केट मधून माल टाकुन आपल्या घरी परत जात असलेल्या नवीन महसूल काँलनी जुनी वस्ती येथील रहीवाशी असलेले तसेच माजी पंचायत समितीचे माजी कर्मचारी असलेल्या हरीभाऊ नागोलकर ( ६० ) यांच्या स्कूटी क्र.एम.एच.३०/ एम/ ८०४८ला जबर धडक दिल्याने हरीभाऊ याचा जागीच चुराडा झाला.
घटनेची माहिती मूर्तीजापूर शहर पोलीस स्टेशनला देण्यात आली असता पोलिसांनी घटनास्थळी धाव घेऊन महामार्गावर ठप्प झालेली वाहतूक सुरळीत करून घटनास्थळाचा पंचनामा करून मूतदेह उत्तरणीय तपासणी करीता आपात्कालीन पथकाचे प्रमुख लकी अग्रवाल व सहकारी यांच्या मदतीने स्थानिक श्रीमती लक्षमीबाई देशमुख सामान्य उपजिल्हा रुग्णालयात पाठविण्यात आला आहे. हरीभाऊ हे सचिन नागोलकर यांचे वडील होते.अज्ञात ट्रक ने धडक मारून घटनास्थळावरून पलायन केले आहे. घटना घडताच माना पोलीस ठाण्याचे निरीक्षण भाऊराव घुगे याना घटनेची माहिती देण्यात आली असून त्या ट्रकचा शोध घेतला जात आहे.हरीभाऊ नागोलकर याचा अज्ञात वाहनाने अक्षरशा चुराडाच केल्याने त्याचा मूतदेह फावडयाने सावडावा लागला. बातमी लिहीतोवर गुन्हा दाखल करण्याची प्रक्रिया शहर पोलीस ठाण्यात सुरू होती. पुढील तपास सुरू आहे.
