तेल्हारा (प्रतिनिधी)- तेल्हारा पोलीस स्टेशन अंतर्गत येत असलेल्या ग्राम दहिगाव येथे आकाश विश्वंभर सोळंके वय 24 वर्षे याने स्वतःचे घरातील स्वयंपाक खोलीत नाटेला वायरने गळफास घेऊन आत्महत्या केल्याची घटना रविवार दि.11 सप्टेंबर रोजी दुपारी 1 वाजे नंतर घडली.
मृतक आकाश हा घटनेच्या दिवशी दि.11 सप्टेंबर रोजी सकाळी 7:30 वा. वडील, आई थोरला भाऊ असे स्वतःचे शेतात कामाला गेले होते. शेतातून जेवण करण्यासाठी आकाश त्याचे वडील विश्वंभर सोळंके हे दुपारी एक वाजे दरम्यान घरी आले. आकाशच्या वडिलांनी जेवण केल्यानंतर 15 ते 20 मिनिटांनी आकाश स्वयंपाक खोलीत गेला. त्याने तेथील नाटेला वायरच्या सहाय्याने गळफास लावून आत्महत्या केल्याचे स्वयंपाक खोलीत पाणी पिण्यास गेलेल्या वडिलांच्या निदर्शनास आले अशी फिर्याद गजानन रमेश सोळंके 34 रा. दहिगाव तालुका तेल्हारा यांनी तेल्हारा पोलिसात दिली. तेल्हारा पोलिसांनी कलम 174 सीआरपीसी नुसार अकस्मात मृत्यूची नोंद घेऊन पंचनामा करून मृतदेह तेल्हाराच्या शासकीय ग्रामीण रुग्णालयातील शवविच्छेदन गृहात शवविच्छेदनार्थ पाठविला आहे. पुढील तपास सहाय्यक पोलीस निरीक्षक ज्ञानोबा फड यांचे मार्गदर्शनाखाली हेड कॉन्स्टेबल जगदीश पुंडकर करीत आहेत.
