अकोला (सुनिल गाडगे): प्रवेश प्रक्रिया थंडावल्याने शैक्षणिक भवितव्य संकटात! ‘महाराष्ट्र राज्य माध्यमिक आणि उच्च माध्यमिक मंडळा’च्या (एसएससी बोर्ड) वतीने इयत्ता अकरावी प्रवेशासाठी घेण्यात येणाऱ्या सीईटी परीक्षेची नावनोंदणी करण्यासाठी मंडळाने निर्माण केलेले संकेतस्थळ विद्यार्थ्यांच्या सहनशीलतेचीच कसोटी पाहणारे ठरले असून ते तातडीने कार्यान्वित न केल्यास तीव्र आंदोलन उभारले जाईल शिवसेना काँग्रेस राष्ट्रवादी काँग्रेस सरकार विद्यार्थ्यांच्या जीवनाशी खेळत असेल तर मागात पडेल इशारा भारतीय जनता पार्टीचे अकोला जिल्हा भाजप अध्यक्ष आमदार रणधीर सावरकर महानगराध्यक्ष विजय अग्रवाल. … यांनी एका प्रसिद्धी पत्रकाद्वारे दिला आहे. मंडळाच्या कारभाराप्रमाणेच मंडळाचे संकेतस्थळही बिघडले असून त्यामुळे विद्यार्थी व पालकांना प्रचंड मनस्ताप सहन करावा लागल असल्याचा आरोपही त्यांनी केला. विद्यार्थ्यांच्या टर्निंग काळात असा प्रकार महा विकास आघाडी च्या काळात घडत असून समाजातील सर्व नागरिकांना त्रास देण्याचा सरकारचा उद्देश आहे का असाही सवाल आमदार सावरकर महानगराध्यक्ष विजय अग्रवाल यांनी केला आहे
आमदार सावरकर- महानगराध्यक्ष अग्रवाल म्हणाले की, ‘दहावीच्या परीक्षेच्या निकालावेळी सर्व्हर क्रॅश झाला होता. त्यामुळे सुमारे १५ लाख ७५ हजार विद्यार्थ्यांना निकाल समजायला चार ते आठ तास विलंब झाला. त्यामुळे विद्यार्थी आणि त्यांच्या कुटुंबियांची घोर निराशा झाली व त्यांच्या आनंदावर विरजण पडले. आता अकरावी परीक्षेसाठी घेण्यात येणाऱ्या सीईटी प्रवेश परीक्षेची नावनोंदणी करण्यासाठी तयार करण्यात आलेले संकेतस्थळ गेल्या आठवड्यापासून बंद आहे. तांत्रिक बिघाडाचे कारण सांगितले जात असले, तरी मंडळाचा गलथानपणाच यास कारणीभूत असून हा बिघाड दूर करण्यात होणाऱ्या दिरंगाईमुळे विद्यार्थ्यांचे शैक्षणिक भवितव्यच धोक्यात आले आहे. बारावीच्या विद्यार्थ्यांच्या अंतर्गत मूल्यमापन गुणांचा सर्व्हरही ठप्प झाल्याने निकालाला विलंब होण्याची भीती निर्माण झाली आहे. यामुळे विद्यार्थी आणि पालकांना होणाऱ्या मनस्तापाची जबाबदारी मंडळाचीच आहे, असे ते म्हणाले आठ दिवसापासून काय प्रगती झाली याची माहिती सर्वसामान्य नागरिकांना व विद्यार्थ्यांना द्यावी व मनस्ताप बद्दल जाहीर स्वरूपात महा विकास आघाडीने माफी मागावी अशी मागणी जिल्हा भाजपा अध्यक्ष आमदार रणधीर सावरकर. महानगराध्यक्ष विजय अग्रवाल यांनी केली
बोर्डाच्या अकार्यक्षम, बेजबाबदार आणि गलथान कारभारामुळे लाखो विद्यार्थी आणि पालकांची चिंता वाढली आहे. यावर गांभीर्याने विचार करून मंडळाने तांत्रिक बाबींची तातडीने पूर्तता करावी आणि संकेतस्थळ विद्यार्थ्यांना विनासायास उपलब्ध करून द्यावे, तसेच नोंदणीची मुदत वाढवावी, अन्यथा तीव्र आंदोलन करण्यात येईल, याची संपूर्ण जबाबदारी शिवसेना काँग्रेस राष्ट्रवादी सरकार ची असेल असा इशारा जिल्हा भाजपा अध्यक्ष आमदार रणधीर सावरकर महानगराध्यक्ष विजय अग्रवाल यांनी दिला आहे.
चौकट: सीईटी परीक्षेसाठी निश्चित केलेल्या विषयांमध्ये इंग्रजी, गणित, सामान्य विज्ञान आणि विज्ञान हे विषय आहेत. परंतु महाराष्ट्रात मराठी आणि हिंदी भाषा विषयांचा समावेश नाही. यामुळे मायबोली मराठीची आणि राष्ट्रभाषा हिंदीची गळचेपी होणार आहे. शिवाय या माध्यमांतून शिक्षण घेणार्या विद्यार्थ्यांवर अन्याय होणार आहे. एरवी मराठीचा पुळका आणणार्या महाविकास आघाडी सरकार प्रत्यक्षात मात्र मराठीची गळचेपी करीत आहे. सीईटी परीक्षेत इंग्रजी सोबत मराठी आणि हिंदी भाषांचा वैकल्पिक भाषा विषय म्हणून तातडीने समावेश करण्यात यावा, अशीही भाजपची मागणी असल्याचे जिल्हा भाजपा अध्यक्ष आमदार रणधीर सावरकर महानगराध्यक्ष विजय अग्रवाल.
यांनी सांगितले. विद्यार्थ्यांच्या समस्या निराकरण साठी भाजपा रस्त्यावर येऊन तिरु आंदोलन उभारले त्याची संपूर्ण जबाबदारी महा विकास आघाडीची असेल राज्यात पावसामुळे शेतकरी व सर्वसामान्य नागरिक संस्थांना विद्यार्थ्यांना वेठीस धरण्याचा प्रकार राज्य शासन करत असून याबद्दल कोणतीही उपाय योजना सरकार करत नाही यावरून सरकारची प्राथमिकता लक्षात येते
