तेल्हारा दि :- लोकजागर मंचचे संस्थापक अध्यक्ष अनिल गावंडे यांचा वाढदिवस लोकजागर मंचच्या समस्त कार्यकर्त्यांनी रक्तदान शिबीर , मरणोत्तर नेत्रदानाचा संकल्प , अन्नदान अशाप्रकारे विविध सामाजिक उपक्रम राबवून मोठ्या उत्साहात साजरा करण्यात आला.
गेल्या सहा वर्षापासून लोकजागर मंचचे अध्यक्ष अनिल गावंडे यांच्या नेतृत्वात लोकजागर मंचने विविध रचनात्मक कार्यक्रम राबवून विविध सामाजिक उपक्रम राबविले दिनांक एक जुलैला अनिल गावंडे यांच्या वाढदिवसानिमित्त आकोट येथे भव्य रक्तदान शिबिराचे आयोजन करण्यात आले होते तसेच १८ नागरिकांनी मरणोत्तर नेत्रदानाचा संकल्प केला तसेच लोकजागर मंचच्या माध्यमातून दहिगाव येथील वृद्धाश्रमांमध्ये अन्नदानाचा कार्यक्रम करण्यात आला,हिवरखेड येथे होतकरू विद्यार्थ्यांना पुस्तके वाटप करण्यात आले व स्वच्छता अभियान राबवले तसेच वृक्षारोपण करण्यात आले.तेल्हारा ग्रामीण रुग्णालय येथे रुग्णांना अन्नदान करण्यात आले तसेच समस्त अकोट मतदार संघामध्ये करोना पासून संरक्षण व्हावे याकरिता मास्क चे वाटप करण्यात आले.अनिल गावंडे यांच्या वाढदिवसानिमित्त अकोट मतदार संघातील च नव्हे तर संपूर्ण महाराष्ट्रातील असंख्य चाहत्यांनी त्यांना शुभेच्छा दिल्या अकोट मतदार संघामध्ये आयोजित कार्यक्रमांमध्ये लोकजागर मंचचे प्रदेश पदाधिकारी दोन्ही तालुक्याचे अध्यक्ष शहराध्यक्ष पदाधिकारी जिल्ह्याचे पदाधिकारी व समस्त कार्यकर्ते मोठ्या संख्येने उपस्थित होते
