अकोला – आज दि.1 दिवसभरात शासकीय वैद्यकीय महाविद्यालयातील प्रयोगशाळेतून (सायंकाळी पाच वाजेपर्यंत) कोरोना संसर्ग तपासणीचे 539 अहवाल प्राप्त झाले. त्यातील 536 अहवाल निगेटीव्ह तर तीन जणांचे अहवाल पॉझिटीव्ह आले. दरम्यान 27 जणांना डिस्चार्ज देण्यात आला, तर एकाचा उपचारा दरम्यान मृत्यू झाला, असे जिल्हा रुग्णालय व शासकीय वैद्यकीय महाविद्यालयामार्फत कळविण्यात आले आहे.
त्याच प्रमाणे काल (दि.30) रॅपिड ॲटीजेन टेस्ट मध्ये एकाचा अहवाल पॉझिटीव्ह आला. त्यामुळे आता एकूण पॉझिटीव्ह अहवालांची एकूण संख्या 57599(43075+14347+177) झाली आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे. आजचे एकूण पॉझिटीव्ह- आरटीपीसीआर तीन+ रॅपिड ॲन्टीजेन चाचणी एक = एकूण पॉझिटीव्ह-चार
शासकीय वैद्यकीय महाविद्यालयाकडून प्राप्त माहितीनुसार, आजपर्यंत एकूण 293709 नमुने तपासण्यात आले. त्यात प्राथमिक तपासणीचे 290225 फेरतपासणीचे 397 तर वैद्यकीय कर्मचाऱ्यांचे 3087 नमुने होते. आजपर्यंत एकूण 293659 अहवाल प्राप्त झाले आहेत. एकूण निगेटीव्ह अहवालांची संख्या 250584 आहे, अशी माहिती शासकीय वैद्यकीय महाविद्यालय व जिल्हा रुग्णालय सूत्रांनी दिली आहे.
तीन पॉझिटिव्ह
आज दि.1 दिवसभरात तीन अहवाल पॉझिटीव्ह आले. त्यात तीन पुरुषांचा समावेश आहे. त्यात तालुकानिहाय संख्या याप्रमाणे- अकोट-दोन, अकोला मनपा क्षेत्र- एक, दरम्यान काल (दि.30) रात्री प्राप्त रॅपिड ॲन्टीजेन चाचण्यांच्या अहवालात एकाचा अहवाल पॉझिटीव्ह आला. त्यांचाही समावेश आजच्या एकुण पॉझिटीव्ह व ॲक्टीव्ह रुग्ण संख़्येत करण्यात आला आहे, याची नोंद घ्यावी.
एकाचा मृत्यू
आज दि.1 दिवसभरात एकाचा मृत्यूची नोंद झाली. हा रुग्ण चिखलगाव येथील 76 वर्षीय अज्ञात पुरुषास दि. 30 जून रोजी मृतावस्थेत दाखल केले होते, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली.
27 जणांना डिस्चार्ज
दरम्यान आज दि.1 दुपारनंतर शासकीय वैद्यकीय महाविद्यालयातून चार, गोयंका गर्ल्स हॉस्टेल येथील दोन, हॉटेल इंद्रप्रस्त येथील एक, तर होम आयसोलेशन मधील 20 असे एकूण 27 जणांना डिस्चार्ज देण्यात आला, अशी माहिती जिल्हा रुग्णालयातून देण्यात आली.
353 जणांवर उपचार सुरु
जिल्ह्यात एकूण पॉझिटीव्ह अहवालांची एकूण संख्या 57599(43075+14347+177) आहे. त्यात 1128 मृत झाले आहेत. तर 56118 जणांना डिस्चार्ज देण्यात आला असून सद्यस्थितीत 353 जणांवर उपचार सुरु आहेत, अशी माहिती जिल्हा रुग्णालय व शासकीय वैद्यकीय महाविद्यालयातून देण्यात आली आहे.
